نامۆ فازل: سۆز بیت ئالایێ كوردستانێ ل گۆپیتكێ بلند بكەم
د نووترین پەیاما خوە دا ل سەر تۆرا چڤاكی دا نامۆ فازل قارەمانێ كوردستانی و ڕەڤەندا كورد ل ئۆرۆپا بۆ یارییا بۆكسانێ سۆز دا بۆ قارەمانییا بهێت یا جیهانی ئالایێ كوردستانێ ل سەر دەپێ هەڤڕكییان د قارەمانییا UFC جیهانێ دا بلند بكەت.
زێدەتر ناڤهاتی گۆت: د هەر یارییەكێ دا هەموو ئەنجام دهێنە پێشبینیكرن، بۆ قارەمانییا بهێت سۆزێ ددەم تۆلا خوە ڤەكەم و ئالایێ پیرۆز یێ كوردستانێ ل سەر دەپێ هەڤڕكییان بلند بكەم، داخوازێ ژ گەلێ كورد دكەم دەلیڤەكا دی بدەنەم و پشتەڤانیێ بكەن، ل من ببورن د قارەمانییا چووی دا نەشیام ناسناڤی ب دەستڤە بینم و دلێ هەوە خوەش بكەم، سەربلندم ب گەلێ خوە.
هەروەسان گۆت: پێنەڤێت ئەم كورد هیچ جارەكێ ناهێلین كەس مە بێشینیت یان لاواز بكەت و یا ب سانەهی نینە هەر كەسەك مە بشكێنیت، دێ تۆلێن خوە ڤەكەم و سۆزا خوە بجهئینم، یارییا چووی زولم ل من هاتە كرن و یا دیاربوو لێ من سووند خارییە تۆلێن خوە ڤەكەم
