خولهكا دادڤانیێ بۆ كچ و كوڕێن دهۆكێ دێ هێته ڤهكرن
تاهر دێكانی
ب مهرهما بهێزكرنا ئاستێ دادڤانێن پارێزگهها دهۆكێ و گههاندنا رێنمایێن نوو یێن یاریا مبنی فۆتسالی یا شەش یاریزانی، دێ خولهكا یاریا ناڤبری بۆ گهنجێن دهڤهرێ هێته ڤهكرن.
د داخۆیانیهكێ دا سهرۆكا فدراسیۆنا یارییا ناڤبری ل پاریزگهها دهۆكێ پرژین جیهاد بۆ رۆژنامهیا ئهڤرۆ دیاركرئهڤ فدراسیۆنە و یاریه ژ نوو ل پارێزگههێ پهیدابوویه بێ گۆمان یاریزانێن ڤێ یاریێ پێدڤی ب راهێنهر و دادڤانێن شارهزانه جۆدا ژ جورێن دی یێن فتبولێ، لهورا مه ب فهر زانی ل دهستپێكێ خولهكا دادڤانیێ ڤهكهین داكو ئهڤ یاریه بهێته جوداكرن ژ یاریێن دی، پشتی ڤێ خولێ دێ خولهكا راهێنهریێ ژی ڤهكهین و دووڤدا دێ قارهمانیهكا فتبۆلا بچیككری یا شەش یاریزانی ڤهكهین.
پرژینێ ئهو گۆت: خول دێ ل شهمبیا بهێت ژلایێ دادڤانێ ئیراقێ یێ نێڤدهولهتی حاتم عەبۆد ڤه بۆ ماوهیێ سێ رۆژان بۆ دادڤانێن پله دو یێن پیشكار هێته برێڤهبرن، ل دووماهیێ دێ باوهرنامه لسهر پشكداران هێنه بهلاڤكرن.
