فلمهكێ كوردی ل ئهمریكا خهلاتێ باشترین فلمێ دكیۆمێنتاری وهرگرت
زنار تۆڤی:
فلمێ دكیۆمێنتاری «هنار پارچه پارچه بوو»، كو ژ دهرهێنانا جبرائیل ئهبوبهكرییه، ل فیستیڤالا خهلاتێن فلمێن سهربهخۆ یێن ئۆرلاندۆ، ل باژیرێ ئۆرلاندۆ ل ویلایهتا فلۆریدا ل ئهمریكا هاته گێران، شییا خهلاتێ باشترین فلمێ دكیۆمێنتاری وهربگریت.
جبرائیل ئهبوبهكر، دهرهێنهرێ فلمێ دكیۆمێنتاری دبێژیت: فلمێ دكیۆمێنتاری هنار پارچه پارچه بوو، ب دیتنهكا مرۆڤی دچیته دناڤ چیرۆكا ژیانا كوردان دا ل ههر چار وهلاتێن ئیران، عێراق، توركیا و سووریا، كو د ماوێ سالێن درێژ دا بهرهنگاری شهری، ئاوارهبوون، زولم و بێبههربوونێ ژ هندهك مافێن دهستپێكی یێن مرۆڤی بووینه، فلم ب تنێ وینهكێ ژ ئازارێن ڤی جڤاكی نیشان نادهت، بهلكو بزاڤێ دكهت ل پشت وان ئازاران مرۆڤی و خهونێن وی ببینیت، مرۆڤهكی كو زێدهباری ههموو دژواریان، هێشتا خهونان ب ژیانهكا ئاسایی، ئارام و سلامهت د دلێ خۆ دا ههلگرتییه.
ناڤهاتی گۆت ژی: د ڤێ ڤهگێرانێ دا، باشوورێ كوردستانێ وهك دهڤهرهكا ئارامتر و سلامهتتر دهردكهڤیت، جههكه كو بۆ پشكهكا ژ كوردێن دهڤهرێ یێن كو ژ شهری و نه ئارامیێ رهڤینه، دشێت ببیته پهناگههـ، هیڤیا ژیانهكا نوو و دهرفهتهك بۆ دۆباره دهستپێكرنێ.
جبرائیل ئهبوبهكری گۆت ژی: «فیستیڤالا خهلاتێن فلمێن سهربهخۆ یێن ئۆرلاندۆ، فیستیڤالهكا سینهماییه كو سالانه ل باژێرێ ئۆرلاندۆ ل ویلایهتا فلۆریدا ل ئهمریكا دهێته گێران، فیستیڤال یا تایبهته ب پشتهڤانیكرن و دیاركرنا سینهمایا سهربهخۆ ل سهرانسهری جیهانێ، ئارمانجا وێ دروستكرنا پلاتفۆرمهكێیه بۆ دهرهێنهر، نڤیسهر و بهرههمهێنهرین سهربهخۆ، داكو بهرههمێن خۆ ل جیهانێ بدهنه نیاسین و خهلاتێن ژ ههژی وهربگرن.
هێشتا دبیژیت: د فیستیڤالێ دا خهلاتێن جودا دهێنه دابهشكرن وهكو، خهلاتێ باشترین فلمێ دریژ، باشترین فلمێ كورت، باشترین فلمێ دكیۆمێنتاری، باشترین فلمێ ناڤدهولهتی، باشترین دهرهێنهر، باشترین ئهكتهرێ زهلام و باشترین ئهكتهرا ژن، خۆشبهختانه فلمێ من د ناڤ چار هزار و 650 فلمان دا، كو ب تنێ 100 فلم هاتبوونه وهرگرتن، شییا خهلاتێ باشترین فلمێ دكیۆمێنتاری وهربگریت.
جبرائیل ئهبوبهكری پشكداری د چهندین فیستیڤالێن سینهمایی یێن جیهانی كریه و چهندین خهلاتێن ناڤدهولهتی ب دهستڤهئیناینه.
