سهعد جهعفهر: یاریزان ل سهر كیستێ خۆ دهێنه ڕاهێنانان
تاهر دێكانی
د داخۆیانیهكێ دا سەعەد جەعفەر یاریزانێ تیما باسكێت بۆلا یانەیا گارە بۆ رۆژنامهیا ئهڤرۆ دیاركر تیما مە ب گەنجێن باژێرێ دهۆکێ و شیانێن باش هەنە لێ مخابن ئەو پشتەڤانییا بۆ دهێتە داخوازکرن نینە و نە چارین ل سەر کیستێ خوە بهێنە ڕاهێنانان.
زێدەتر ناڤهاتی گۆت: ئهڤه بۆ ماوهیهكێ درێژه بهرههڤیێن خۆ دكهین بۆ قارهمانیێن داهاتی ژ وانا خولا پلا دویێ یا ئیراقێ كو بریاره ل دهمهكێ نێزیك ژڤانێ وێ بهێتە دیارکرن، د حهفتیێ دا چار رۆژان ل سهر كیستێ خۆ دهێنه ڕاهێنانان بۆ خاترا وێ یەکێ باشترین شێوە نوونەراتییا پارێزگەها خوە د خولێ دا بکەین، لێ مخابن هندی ئهم دكهین و دبێژین ئاگههـ ژمه نینه و كهسێ خۆ ل ڤێ تیمێ نهكریه خۆدان و ههتا نۆكه نوزانین كادێ پشكداریێ د خولا ئیراقێ دا كهین یان نه.
سهعد جەعفەری گوت ژی ئهگهر بكهین ژی دێ بناڤێ یانهیا گاره كهین، لهورا داخوازێ ژ لایهنێن پهیوهندیدار پشتهڤانیێ لڤێ تیمێ بكهن بتایبهت یانهیا گاره، چنكو ئهم ههمی گهنج و كوڕێن بژێرێ دهۆكێ نه، ئهگهر پشتهڤانی بهێتهكرن دێ باشترین یاریزان ژڤێ تیمێ دهركهڤن و دێ ئهنجامێن باش و جهێ رازیبوونا جهماوهرێ بین و گەشبینییا ڕابوونا نڤشەکێ نوو یێ ڤێ یاریێ پەیدابیت ل سەر دەستێ ڕاهێنەرێن مە خەتاب عومەر و رەمەزان یونس.
ل دووماهیێ ناڤبری دیاركر ژی بهری ماوهیهكێ مه پشكداری د قارهمانیهكێ دا ل ههولێرێ كبوور بناڤێ یانهیا گاره و ب سۆپاسیڤه د. مهتین عەلی ئێكهم كهس بوو پشتهڤانی لمه كری.
