مێسی دیرۆكا خوە یا نێڤدەولەتی ب دووماهی ئینا
ستێرێ ئەرجەنتینی لیۆنێل مێسی یاریزانێ یانەیا ئینتەر میامی یا ئەمریكی ب فەرمی دیرۆكا خوە یا یاریێن نێڤدەولەتی ب دووماهی ئینا و سنۆرەك بۆ كاروانێ خوە ل گەل هەلبژارتیێ وەلاتێ خوە دانا پشتی 21 سالێن بەردەوام دناڤا فوتبۆلا تانگۆیێ دا.
د نامەیەكا خاترخاستنێ دا مێسی گۆت: پشتی ب دووماهی هاتنا مۆندیالا 2026ێ ئێكسەر ئەو هزر هاتبوو د سەرێ من دا كاروانێ خوە ب دووماهی بینم ل گەل هەلبژارتیێ وەلاتێ خوە، ئەڤ بڕیارە یا نەخۆشە لێ گەهشتبوومە وێ ڕاستیێ دەم هات، ئەوا دشیان دابوو من یا كری بۆ وەلاتێ خوە، دڤێت گەنجێن مە ژی دەلیڤەیا خوە بینن، ئەڤە پرۆسەیا ژیانێ یە، ب دووماهی هاتم و ئەز یێ سەربلندم، ل یاریگەهێ بۆ ئەرجەنتین د جەنگییام، ئێدی وەكو جەماوەری دێ پشتەڤانبم.
مێسی ل گەل هەلبژارتیێ وەلاتێ خوە 207 یاری كرینە، 125 گۆل تۆماركرینە ژوانا 33 گۆلێن سێ مۆندیالانە، 11 هاتریك نێڤدەولەتی هەنە، چار ناسناڤێن نێڤدەولەتی، مۆندیالا 2022، كۆپا ئەمریكا 2021و2024 و فینالیسیما 2022، یێن كەسۆكی هەشت جاران تەپا زێرین، شەش جاران پلاڤا زێری یا ئۆرۆپا، سێ ناسناڤێن فیفایێ ب دەستڤە ئینایە.
