كچێن دهۆكێ بوونە قارەمانێن ئیراقێ و پشكدارییەكا ئاسیا ب دەستڤەئینا
شاهۆ فەرید:
چار یاریزانێن پارێزگەهێ كونترۆلا قارەمانییا ئیراقێ یا یارییا پادێل ل سەر ئاستێ كچان ب دەستڤە ئینان پشتی ل رێزێن ئێكێ و سێیێ بۆ سیستەمێ جود هاتین، د هەڤڕكیێن واندا ئەوا 24 یاریزان ژ 12 یانەیێن هەرێما كوردستانێ و ئیراقێ ل كۆمەلگەها یانەیا ئەلفروسیە ل پایتەختێ ئیراقێ هاتیە كرن.
لدۆر ڤێ یەكێ و ئەنجامێن نوونەرێن پارێزگەهێ سەعید خەلیل ئەندامێ فدراسیۆنا تێنسا ئەردی یا ئیراقێ بۆ ئەڤرۆ گۆت: ب سەرفەرازی ڤە چار یاریزانێن مە پشكداری د قارەمانییا پادێل دا كر و شیان ڕێزێن پێشیێ ب دەستڤە بینن ئەوا ب شێوازێ جود د هاتە كرن ئەو ژی، زەلال سەعید و سارا ئاڤدەل شیان ببنە قارەمانێن ئیراقێ پشتی ڕێزا ئێكێ هاتین د یارییا فینالێ دا ب سەركەفتین ل سەر یاریزانێن یانەیا بابل ئەوێن ڕێزا دویێ هاتین، ژلایێ خوەڤە لارا ئاڤدەل و نیرۆز ئەحمەد رێزێن سێیێ ب دەستڤە ئینان، خەلاتێ ڕێزا ئێكێ گەهشتبوو ملیۆنەك و 500 هزار دینار وەكو پاداشتێ قارەمانان.
ژلایەكێ دووڤە ناڤهاتی دیاركر هەردو یاریزانێن پارێزگەها دهۆكێ ئەوێن بووینە قارەمان دێ نوونەراتییا هەلبژارتیێ ئیراقێ كەن بۆ پشكداریێ د قارەمانییا ئاسیا دا ئەوا بڕیارە هەڤڕكیێن وێ ل دەستپێكا كانوونا ئێكێ یا بهێت ل وەلاتێ سعۆدیێ بهێتە كرن و ئەڤە ژی دەستكەڤتەكێ دیرۆكییە كچێن پارێزگەهێ د ڤێ یاریێ دا بینن، گەشبینن ئەڤ یارییە دێ پێشكەڤتنەكا باشتر بخوەڤە گرێدەت.
