فلمهكێ كوردی ل فێستیڤالهكا نێڤدەولەتی ل هندستانێ دێ هێته نیشادان
زنار تۆڤی:
فلمێ دكیۆمێنتاری (ژیان پشتی ئازادیێ)، كو ژ دهرهێنانا شهمال حسێن عهلی یه، ب رهنگهكێ فهرمی دێ ههڤركیێ د فیستیڤالا نێڤدەولەتی یا فلمێن ئهحمهدئاباد (AIFF) ل وهلاتێ هندستانێ دا كهت و هاتییه بهربژاركرن بۆ ب دهستڤهئینانا خهلاتی.
شهمال حسێن عهلی، دهرهێنهرێ وی فلمی بۆ رۆژناما ئەڤرۆ دیار کر کو ئهڤ فلمێ دكیۆمێنتاری پێشتر ل وهلاتێ ئهمریكا هاتیه نیشان دان، نوكه د چارچووڤێ چالاكییێن جیهانیدا گاڤان بهرهف ب دهستڤههینانا خهلاتهكێ دیتر یێ نێڤدەولەتی دهاڤێژیت.
شهمال حسێنی ئاشكرا كر: ئهڤ فلمه باسێ ژیانا گهنجێن كوردێن ئێزدی دكهت، كو پشتی رزگاربوونا وان ل ژێر دهستێ داعشێ دا، چاوا درێژیێ ب ژیانا خۆ ددهن و ئاستهنگێن ژیانێ دهرباز دكهن، ههروهسا ئهڤ فلمێ دكیۆمێنتاری 22 خولهكن، دناڤا ڤی فلمی دا من رۆناهی ئێخستیه سهر ئیرادا ئهوان گهنجێن كو رزگار بووین، كا چاوا بزاڤێ دكهن بۆ هندێ جارهكا دی دهست ب ژیانێ بكهنهڤه، ب رێیا پێكئینانا خێزانێ و پرۆسا ههڤژینیێ.
ههروسا گۆت: فیستیڤالا نێڤدەولەتی یا فلمێن ئهحمهدئاباد بۆ سالا 2026 ێ، دێ ل 30 ئیلۆنێ دهستیپێكهت و بۆ دهمێ سێ رۆژان دێ یا بهردهوام بیت، بریاره ل رۆژا 2 ی چریا ئێكێ د مهراسیمهكێ تایبهت دا خهلاتێن وێ فیستیڤالێ بهێنه بەلاڤکرن.
