پارچەیێن ئەردی ل بەردەڕەشێ دێ هێنە بەلاڤكرن
رەمەزان زەكەریا:
بەرهەڤی بۆ بەلاڤكرنا پارچەیێن ئەردی ل سەر فەرمانبەر و خانەنشینان ل سنۆرێ دەڤەرداریا بەردەڕەشێ گەهشتییە قووناغا دووماهیێ.
پرۆسە پشتی وەرگرتنا رازیبوونا هەموو لایەنێن پەیوەندیدار بۆ كوژاندنا ئەردی و چێكرنا نەخشتەیێ كەرتان دەست پێكریە.
سیروان حەسەن، سەرۆكێ باژێرڤانیا بەردەڕەشێ ڕاگەهاند: نەخشتەیێ كەرتێ بەلاڤكرنا پارچەیێن ئەردی ئامادەكریە، ژ بەركو پارچەیێن ئەردی یێن تەرخانكری یێن چاندنێ نە، پێدڤی یە ل گەل خودان مۆلكان دانوستاندن بهێتە كرن، دا كو قەرەبووكرنا وان بهێتە ئێكلاكرن.
ناڤبری گۆت ژی: «ناڤێ هزار فەرمانبەران بۆ وەرگرتنا پارچەیێن ئەردی زڤڕینە، بەلێ ژ بەركو قەرەبووكرنا خودان مۆلكان ب ڕێژەیا 7%ێ بیت، باژێرڤانی پێدڤی ب دابینكرنا شەش هزار پارچەیێن ئەردی یە، پشكەك ژ ئەردێن سنۆرێ باژێرڤانیێ وەكو ئەردێن بازرگانی دێ مینن و ل پاشەڕۆژێ بۆ بجهئینانا پڕۆژەیێن خزمەتگوزاری دێ مفا ژێ هێتە وەرگرتن».
