نویێر: دانپێدانێ ب شاشییا خوە دكەم
د دیدارەكا رۆژنامەڤانی دا گۆلپارێزێ ئەلمانی مانویێل نویێر كاپتنێ تیما یانەیا بایرن میۆنخ دانپێدان ب شاشییا خوە كر و داخوازا لێبۆرینێ ژ جەماوەرێ تیمێ كر، ئەڤچەندە هات پشتی د یارییا تیما وان دا بەرانبەر یانەیا برۆسیا دۆرتمۆند بوویە ئەگەری تیما وان بلەزترین گۆل ل سەر بهێتە تۆماركرن بتنێ پشتی بۆرینا هەشت چركا ژ دەستپێكرنا یارییا وان ئەوا ب 2-2 وەكهەڤی ب دووماهی هاتی ژ چارچووڤەیێ گەڕا پێنجێ یا خولا ئەلمانیا بۆندسلیگایێ.
ناڤهاتی گۆت: ئەو شاشییا من كری یا گرانبوها بوو، هزرا من ئەو بوو ئەز كۆنترلێ ل سەر تەپێ بكەم و نەهێلم ژ من بهێتە وەرگرتن لێ شاشیەكا كۆژەك بلەزترین گۆل ل سەر من هاتە تۆماركرن، دانپێدانێ ب شاشییا خوە یا دیرۆكی دكەم و داخوازا لێبۆرینێ ژ جەماوەرێ تیمێ دكەم، بەرپرسم ژ گۆلا ئنتیكە و ئەگەرێ سەرەكی مە، بۆ یاریێن بهێت دڤێت باشتر هشیاربم.
