مەزلووم عەبدی بۆ نێچیرڤان بارزانی: سوپاس بۆ پشتەڤانییا تە یا بەردەوام ل مافێن كوردان
نێچیرڤان بارزانی پێشوازی ل مەزلووم عەبدی كر و دووماهی پێشهاتێن دەڤەرێ گەنگەشە كرن و سەرۆكێ هەرێما كوردستانێ «پشتەڤانییا خوە بۆ مافێن كوردان و پێكهاتەیێن سووریێ» دیار كر.
نێچیرڤان بارزانی، سەرۆكێ هەرێما كوردستانێ پێشوازی ل مەزلووم عەبدی، شیرەتكارێ سەرۆكاتییا كۆمارا سووریێ كر.
سەرۆكاتییا هەرێما كوردستانێ د بەیاننامەیەكێ دا دیار كر: ڕەوشا گشتی یا سووریێ و كوردان ل وی وەلاتی ودووماهی پێشهاتێن دەڤەرێ هاتنە گەنگەشەكرن و هەردو ئالییان دوپاتی ل گرنگییا پاراستنا ئارامیێ كر.
ل گۆرەی بەیاننامەیا سەرۆكاتییا هەرێمێ، نێچیرڤان بارزانی «پشتەڤانییا هەرێما كوردستانێ بۆ سووریایەكا ئارام دوپات كر، كو مافێ كوردان و هەموو پێكهاتەیان تێدا پاراستی بیت. هەروەسا ئاماژە ب گرنگییا پێشڤەبرنێ ب پەیوەندییان و هەڤكارییا ئیراقێ و هەرێما كوردستانێ ل گەل سووریێ كر».
سەرۆكاتییا هەرێما كوردستانێ دیار كر « مەزلووم عەبدی هەلوەست و پشتەڤانییا بەردەوام یا سەرۆكێ هەرێما كوردستانێ بۆ مافێن كوردان و بزاڤێن وی د پێناڤا ئاشتیێ و ئارامیێ دا، بلند هەلسەنگاند».
