وەرزێ داقوتانا بەرهەمێ كەزانان دەستپێكر

رەمەزان زەكەریا

ل دەڤەرا بارزان وەرزێ كۆمكرنا كەزانان دەستپێكر و رێڤەبەرێ هشیاری و ڕاگەهاندنا بەتەلیۆنا ژینگەها بارزان ددیدارەكێ دا بۆ ئەڤرۆ گۆت: بەرهەم هەمبەر سالا بۆری گەلەك زۆرترە و داخاز ژ وەلاتییان ژی دكەین كو د دەمێ كۆمكرنێ دا پارێزگارییێ ل دار و ژینگەها دەڤەرێ بكەن.
ملازم سەدیق حەسەن، رێڤەبەرێ هشیاری و ڕاگەهاندنا بەتەلیۆنا ژینگەها بارزان ڕاگەهاند: كو سالانە ل دەڤەرا بارزان وەرزێ تایبەت بۆ كەزان و كەنگر و مازی و چلی بڕینێ هەیە، ژ بەر بەرژوەندیا گشتی و بۆ وێ چەندێ هەموو ب وەكهەڤی ژێ مفادار ببن و ئەڤ كلتوورە ب پاراستی بمینێت، پێش وەخت لژنەیەك دەمەكێ دیاركری بۆ كۆمكرنێ دانێت و بەری وێ چەندێ قەدەغەیە كەس دەستكارییا داران بكەت و دەمێ فەرمی یێ كۆمكرنا كەزانان ژ ١٠ی چریا ئێكێ دەست پێ دكەت و ڕەنگە بۆ دەمێ ١٥ بۆ ٢٠ ڕۆژان بەردەوام بیت و هەرچەندە داتایەكا فەرمی ل سەر بەرهەمی گشتی نینە، چونكی خەلك ب شێوەیەكێ تاكەكەسی كەزانان كۆم دكەن، بەلێ ئەڤ سالە رێژە زۆرترە ل گەل سالا بۆری و داخازێ ژ ولا‌تییان دكەین كو د دەمێ كۆمكرنا كەزانا دا داران تێك نەدەن و نەشكێنن، دا كو زیان نەگەهیتە ژینگەها دەڤەرێ.

کۆمێنتا تە