سـێ هزار پارچەیێن ئـەردی ل سەر فەرمانبەران دێ هێنە بەلاڤكرن
دهۆك، لەزگین جۆقی:
رێڤەبەرێ گشتی یێ باژێرڤانیێن پارێزگەها دهۆكێ بۆ رۆژنامەیا ئەڤرۆ دیاركر كو سێ هزار پارچەیێن ئەردی ل سەر فەرمانبەران دێ هێنە بەلاڤكرن.
دیار بەحری، رێڤەبەرێ گشتی یێ باژێرڤانیێن پارێزگەها دهۆكێ گۆت: «هەموو ئامادەكاری بۆ بەلاڤكرنا پارچەیێن ئەردی ل سەر فەرمانبەران هاتینە كرن، بڕیارە د حەفتیا بهێت دا ئەو پارچەیێن ئەردی بهێنە بەلاڤكرن، هەكە رێكارێن مە ب دووماهیێ بهێن، هەكە ب دووماهی نەهاتن، حەفتیا د دووڤ دا دێ هێنە بەلاڤكرن».
گۆت ژی: «ئەو پارچەیێن ل سنۆری باژێرڤانیا رۆڤیا و كۆرا و فەیدیێ دێ هێنە بەلاڤكرن، هەروەسا كار ل سێمێلێ ژی بەردەوامە و د دەمەكێ نێزیك دا ل سێمێلێ ژی دێ هێنە بەلاڤكرن».
