34 سالیا دامەزراندنا رادیۆیا دهۆك هاتە پیرۆزكرن
ب هەلكەفتا بۆرینا 34 سالان لسەر دامەزراندنا رادیۆیا دهۆك، دوهی 14/10/2026 ب ئامادەبوونا سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل بەهدینان و سەباح بەیتوللا، جێگرێ بەرپرسێ مەكتەبا رێكخستنێ و بریندار حەیدەر، دەڤەردارێ دهۆکێ و ئێحسان ئامێدی، بەرپرسێ ناڤەندا خانی و هەژمارەكا بەرچاڤ یا رۆژنامەڤان و چالاكڤانێن سڤیل د رێورەسمەكی دا ئەڤ هەلكەفتە هاتە ساخكرن.
ئەمیر سەدیق، رێڤەبەرێ رادیۆیا دهۆك بۆ رۆژنامەیا ئەڤرۆ گۆت: «رادیویا دهۆك ب درێژاهیا ژییێ خۆ وەكی پرەكێ كار لسەر خواست و هیڤی و پرسێن جودا كریە و هەردەم ب گیانێ نیشتیمانی و بەرپرسیارانە كار كریە، د نوكە دا ب رێكا پلاتفۆرمەكێ تایبەت پەخشێ رادیۆیا دهۆك گەهشتیە تەڤایا جیهانێ».
هەر ب ڤێ هەلکەفتێ، ئەم ب ناڤێ ستافێ رۆژنامەیا ئەڤرۆ ٣٤ سالیا دامەزراندنا رادیۆیا دهۆک پیرۆز دکەین.
