حەسەن شەریف دێ كلیپا (بار و برین) بەلاڤكەت
زنار تۆڤی
هونەرمەند (حەسەن شەریف) د دیدارەكێ دا بۆ رۆژنامەیا ئەڤرۆ گۆت: ئەڤە دەمەكە ئەز كاری ل سەر چێكرنا سترانەكا نوو ب ناڤێ (بار و برین) دكەم و دڤێ هەیڤێ دا دێ ب شێوێ ڤیدیۆ كلیپ بەلاڤكەم و هەر د ئەڤ سالە دا من هژمارەكا ستران و كلیپان بەلاڤكرینە و ئەز بەردەوام ل بەرهەمێن نوو دگەڕم.
هەروەسا گۆت: كلیپا من یا نوو ب ڕەنگەكێ گەلەك جوان هاتیە چێكرن، هەروەسا هندەك سترانێن دی ژی ل بەر دەستن ئەز یێ ل سەر كاردكەم و ل دەمێ بهێت دێ وان ژی كەمە كلیپ و بەلاڤكەم.
