گەفێن هەلوەشاندنا كۆپا ئاسیایێ ل هەرێمێ دهێنە كرن
د داخویانیەكێ دا سەعەد ئەلمەشهەدانی سەرۆكێ فدراسیۆنا یارییا تیرۆكفانێن ئیراقێ دیاركر ژبەر بێدەنگییا حوكمەتا ئیراقێ و بەرسڤ نەدانا نڤێسارا مە یا پشتەڤانییا دارایی دێ نەچاربین قارەمانییا كۆپا ئاسیا بهێتە هەلوەشاندن ئەوا بڕیارە ل حەفتییا بهێت باژێرێ سلێمانیێ بهێتە كرن.
هەروەسان ناڤهااتی گۆت: پشتی مە ڕێكخستن و كاروبارێن خوە كرین ئەڤرۆ ژ سەرجەمێ 19 هەلبژارتیێن پشكدار دێ شەش ژ وان هێنە كوردستانێ بۆ پشكداریكرنێ، مە سۆز پشتەڤانیێ ژ حكومەتا ئیراقێ وەرگرتیە لێ هەتا نوكە ئێك دینار ژی مە نە وەرگرتیە، لایەنێ ژێرخانەیا وەرزشی ل سلێمانیێ بەرهەڤە بێ ئاریشە، لێ نە پارڤەكرنا پارەیێ دەستنیشانكرنی بۆ قارەمانیێ گەلەك كارێن مە ڕاوەستاندینە، هەكە بڤی شێوەیی بمینی تدێ ئەڤ قارەمانییە هێتە هەلوەشاندن.
هەروەسان گۆت: ئەم نەچارین یان ب هەلوەشینن یان ژی ل سەر كیستێ خوە قارەمانیێ بڕێڤەبەین، وەزارەتا وەرزش و لاوێن ئیراقێ سۆز دایە مە لێ هیچ پشتەڤانیەك نەكرییە، ئەڤ قارەمانییە ئاسیایی یە هەكە بهێتە هەلوەشاندن دێ تووشی سزاییێن تۆند بین، ئەم سەر ب حوكمەتا ئیراقێ ڤە نە دڤێت ئەو ئاریشەیا مە چارەسەركەن.
