کەسێن دوهنێ مێلاکێ هەی، پێدڤییە خۆ ژڤان خوارنان بپارێزن
- شەکر: هەتا ژ دەستێ هەوە بهێت شەکرێ د چا یا خۆ دا کێم بکەن، یانژی چایێ بێ شەکر بخۆن وەکۆ چەوا قهوەیا تەحل ڤەدخۆن. شەکر ماددەکا کاربۆهایدراتە، هەمی ب هێزێ ناسۆژیت، بەلکو پشکەکا زۆر ژێ دمینیت و دبنە چەوری.
– برنج: برنج ژی پشکەکا مەزن ژ ماددەیێ کاربۆهایدراتە، د لەشی دا دهێتە گۆهورین بۆ چەوری و د ناڤ مێلاکا مرۆڤی دا د دابەزینت. دڤێت مرۆڤ ل جهێ برنجی ساڤارێ بخۆت.
– کشمش، مێویژ و قەسپا نەخۆن: کشمش، مێویژ و قەسپا ڕێژەیەکا مەزن ژ شەکرا فرەکتۆز تێدا هەیە، ئەڤ شەکرە ناسۆژن و دهێتە گۆهورین بۆ چەوری و ل ناڤ جگەری دا کۆمڤەدبیت.
– تشتێن سار (ڤەخوارنێن غازی) و شەربەتێن پاکێتکری زۆر کێم بخۆن یانژی هشکەر نەخۆن: ئەڤان ڕێژەیەکا زۆر ژ شەکرا فرەکتۆز تێدا هەیە، ئەڤ شەکرە ناسۆژیت و دهێتە گۆهورین بۆ چەوری و ل ناڤ جگەری دا کۆمڤەدبیت.
– کێمکرنا خوارنێن چەور ژی ئێکە ژ پارێزێن گرنگ بۆ وان کەسێن چەوری ل جگەرا وان هەی.
