نهێنییا وێنەگریێ د هزرێ دایە نە د ئالاڤێن گران دا
عەیشا عەجیب
وێنەگر (هەڤال سەدیق عوسمان) كو خەلكێ ئیدارەیا سەربەخۆیا زاخۆیە، د دیدارەكێ دا گۆت: ئەڤە شەش سالن وەك وێنەگر و مۆنتێر كاردكەم و هەتا نوكە من ل هژمارەكا دەزگەه و ستۆدیۆیان كاركریە و ب كارێ خۆ یێ دلخۆش و ئارامم.
هەروەسا گۆت: دژیەكێ بچووك دا من حەزا وێنەگرتنێ هەبوو، لێ پشتی من پولا دوازدێ ب دووماهی ئینای، بەری بچمە زانكۆیێ من دەستپێكر و ڤی كاری گەلەك تشت د ژیانا من دا گۆهۆڕین، هەروەسا پتر هزرێن من بۆ چێكرنا كلیپێن سترانبێژان و شەهیانان و وێنەكرنا كورتە فلمان و بەرنامەیێن كەنالێن ئەسمانی و لایڤان و یانا زاخۆ یا وەرزشی بەرفرەه بوون و هەردەم ئەز دبێژم نهێنیا ڤی كاری نە دئالاڤێن گرانبهادایە، بەلكو د هزرێ دا یە و دڤێت وێنەگری هزرەكا باش هەبیت، هەروەسا حەزژی هەبیت دا بشێت ب سەر كەڤیت.
