ل كوردستان تیڤی خەونا من بوو ڕاستی
شاكر ئەتروشی
ئاواز خالد مستەفا، پەیامنێرا كەنالێ كوردستان تیڤی ل دهۆكێ، د دیدارەكێ دا بۆ رۆژنامەیا ئەڤرۆ گۆت: ئەز دەرچوویا پشكا مێژوویێ مە ل زنكۆیا دهۆك، حەزا من بۆ كارێ ڕاگەهاندنێ بۆ بەری چەندین سالان دزڤڕیت و دەمێ ئەز یا بچووك دچوومە بەر قودیكێ تشتەك دكرە د دەستێ خۆ دا ئانكو من خۆ دكرە بێژەر و پشتی دەلیڤە هاتی ل كوردستان تیڤی خەونا من بجه هات و بۆ ڕاستی و نوكە ئەز ل وی كەنالی كاردكەم، هەروەسا سێ زمانان دزانم (كوردی و عەرەبی و ئنگلیزی).
هەروەسا گۆت: ل دەستپێكێ من هندەك ریكلام چێدكرن، پاشان بۆمە ڕاگەهندكار و بۆ چی من ئەڤ كارە هەلبژارت چنكو هەردەم مرۆڤێن ڕاستگۆ و دل نازك حەزدكەن ئاریشە و داخوازێن خەلكی بگەهینە جهێن شۆلەژێ و بۆ كارێ من مالبات هەموو ب تایبەت ژی دایكا من پشتەڤانا سەرەكی یە، هەروەسا ئەز حەزژ كارێ بازرگانی ژی دكەم دێ بزاڤێ كەم ل پاشەرۆژێ پتر خۆ پێ بگەهینم، بۆ زانین من پرۆژەیەك هەیە ئەو ژی ب رێكا بەرنامەیێ من هەموو نەساخ دشێن پەیوەندیێ ل گەل نوشدارن بكەن و د بەردەوام بن و من گەلەك هیڤی و ئۆمێد دژیانێ دا هەنە گەلەك بجه هاتینە وكێم ماینە و هیڤیا من ئەوە ئەز بشێم ببمە كەسەكا وەسا كو د كارێ خۆ دا یا سەركەفتی بم و هەردەم ب باشی بەحسی من بهێتە كرن.
