15سالن هەنگەڤانیێ دكەت
سندس سالح سلێڤانەیی
هەنگەڤان (زیاد دۆسكی) د دیدارەكێ دا بۆ رۆژنامەیا ئەڤرۆ گۆت: ئەڤە (15) سالن ئەز كارێ مێشەڤانیێ دكەم و هەتا نوكە من پشكداری د هژمارەكا پێشانگەه و فێستیڤالێن بەرهەمێن خۆمالی دا كریە و سوپاس بۆ خودێ هنگڤینێ مە جهێ باوەریا خەلكی یە.
هەروەسا گۆت: ئەز ل بەر دەستێ بابێ خۆ قێری ڤی كاری بوویمە و بەری (15) سالان من هندەك هنگڤین هەلگرت و پشتی (5) سالێن دی هندەكێ دی هەلگرت، ئانكو نوكە دو جۆرێن هننگڤینی ل دەف من هەنە، ئێك یێ بەری (15) سالانە و یێ دی یێ بەری (10) سالانە و سوپاس بۆ خودێ هەردو دباشن و خراب نەبووینە، هەروەسا چو بێهنێن خراب ژی ژێ ناهێن و هەر كەسەكێ ببینت دێ بێژیت هنگڤینێ ئەڤ سالە یە.
