هەڤڕكیا دەروونی ل گەل مرۆڤی
ئاواز یوسف جەمیل
هەڤڕكیا دەروونی بەربەستەكا ڤەشارتی یە د رێكا دل و مەژی دا، دژیانا هەموو مرۆڤان دا، دەمەك دهێت كو مرۆڤ خۆ دناڤ دو جۆرە بیرەوەریان دا دبینیت، ب ئاوایەكی كو چ ژوان ب ساناهی ناهێتە بەزاندن، ئەڤ ڕەوشە د دەرووناسیێ دا ب هەڤڕكیا دەروونی دهێتە نیاسین ئەڤ جەنگە بەردەوام نە دیارە و بێدەنگیا دل ومەژیێ مرۆڤی تێك ددەت دبیتە ئەگەرێ دودلی و ڕەشبینی و تەنگاڤیێ، هەڤڕكیا دەروونی دروست دبیت دەمێ هزر، بەها، حەز، یان پێدڤیێن جودا د ئێك دەم دا دكەڤنە د هەڤڕكیێ دا، بو نموونە دەمێ مرۆڤ ل سەر دو بڕیارێن دژوار سر دبیت، وەكی هەلبژارتنا د ناڤبەرا حەزێن كەساتی و ئەركێن جڤاكی دا، یان د ناڤبەرا ترسا ژ شكەستنێ و هیڤیا ب دەستڤەئینانا سەركەفتنێ ئەڤ هەڤڕكیە دشێت ب شێوەكێ نەدیار و وزەیا روحی و جەستەیی یا مرۆڤ هەلمژیت، كو پتریا جاران دبیتە ئەگەرێ دروستبوونا سەر ئێشیێ و كێم خەو یێ نەمانا فوكسێ د ژیانا رۆژانەدا.
سەرەدەریكرنا سەركەفتنێ دگەل ڤێ دیاردێ ب تێ نەگەهشتن و رەتكرنا وێ دەست پێ ناكەت بەلكو ب قەبوولكرنا وێ وەك بەشەكێ سرۆشتی ژگەشەكرنا مرۆڤی دەست پێدكەت بۆ رزگاربوونێ ژ بازنەیێ هەڤڕكیێ مرۆڤ پێدڤی ب نیاسینا سەدامەنە جوداكرنا لایەنێن ئەرێنی و نەرێنی یێن هەر هەلبژارنەكێ هزران روون دكەن پێدڤیە مرۆڤ بزانیت كو چ بڕیار دژیانێ دا 100% بێ كێماسی نینن هەردەم قوربانی دان ب بەشەك ژ حەزان پێدڤیەكا سەرەكی یا گەهشتن ب ئارامیە، ل دووماهیێ دا هەڤڕكیا دەروونی نیشانا وێ چەندێ كومەژیێ تە راستیەكێ شیكار دكەت هەولا هەلبژارتنا رێكا دروست ددەت ئەگەر تێگەهشتن و دانپێدان بۆ ڤێ پرۆسەیێ هەبیت هەڤڕكی دشێت ژبەربەستەكێ دەروونی ببیتە دەرفەتەك بۆ پێگەهشتن و بڕیاردانا دروست و دەستڤەئینانا هەڤسەنگیا دەروونی.
