خوەنیشادانێن ل فرەنسایێ بووینە جهێ دلگرانییا وەلاتێن ئۆرۆپی
بەرپرسەکێ ئەلمانیا بۆ BBC دیار کریە، خوەنیشادانێن ل فرەنسا بەرفرەهتر بووینە و هەروەسا توندوتیژیا ل فرەنسا جهێ مەترسیێ یە، چونکی رەوشەکا دی هاتیە پێش و مەترسیا وێ یەکێ ژی هەیە کو خوەنیشادانێن ل فرەنسا دەربازی وەلاتێن دی یێن ئۆرۆپا ببن و ئەو یەک ژی بوویە جهێ ترسەکا مەزن ل دەف هەموو وەلاتێن ئێکەتیا ئۆرۆپا.
هەمان بەرپرسی ئەو یەک ژی دیار کر، دەستێ دەرەکی د خوەنیشادانێن ل فرەنسا دا هەنە و دخوازن دیموکراسیا پێشکەفتی ل ئۆرۆپا ژناڤ بچیت، دڤێت هەموو وەلاتێن ئێکەتیا ئۆرۆپا د ئامادەباشیێ دا بن و رێ نەدەن هندەک گرۆپ ل ژێر ناڤێ خوەنیشادانان ئالۆزیان دروست بکەن و ببنە مەترسی ل سەر دیموکراسیێ ل ئۆرۆپا.
ئەو یەک د دەمەکێ دایە کو خوەنیشادانێن ل فرەنسا و ئەلبانیا بەردەوامن و توندوتیژیەکا زێدە ژی دهێتە بکارئینان و هەتا نها پتر ژ هزار پۆلیسان ل فرەنسا بریندار بووینە و هەروەسا چەند هزار کەس ژی هاتینە دەستەسەر کرن.
