داخویانیێن پشتی بەرپرسیاریێ
خـالد ئـەحمەد بـادی
بەرپرسایەتی رێبەری رێزانی سەركردە و سەرۆك ئەوە كو ئەركێ پێدڤی و بەرژەوەندیا گشتی ب باشترین شێوە ئەنجام بدەت و خزمەتا مللەت و وی جهی یان ئۆرگان و دەزگەهی بكەت ب رەوشتەك بلند ب خۆشكاندنەكا بەرچاڤ بەرپرسیارەتیا خۆ ئەنجام بدەت، زۆر بەرپرساتی بەرهنگاری وی كەسی دبن یێ كو بەرپرسیارەتیەكێ وەردگریت كو بەرپرسیارەتی یا رەوشتی یاسایی تووڕەیی رەوشەنبیری خۆشكاندنێ كو مەلا مستەفا بارزانی سەبارەت بەرپرسیارەتی یێ فەرمۆیی (گۆت كو ئەم خزمەتكارێن خەلك و مللەتێ خۆینە), بەرپرس ئانكو خزمەتكار, زۆر پەند و گۆتن ل دۆر بەرپرسیارتیێ، ئانكو سەركردایەتی و ئیدارەكرنێ هەنە كو د هەمی قووناغێن ژیانا رۆژانە دا باسێ بەرپرسیارەتی سەركردایەتی سەرۆكایەتی و.. هتد، هاتیە كرن، دیرۆك و رامانا ڤێ پەیڤێ ئەوە كو هەر ژ هەبوونا ژیانێ ل ناڤ جڤاك و مللەتێن جیهانێ دا ئەڤ پرسە هەبوویە كو كەسەك ژ هەر گرۆپەكی یان كۆمەكێ كەسەك بتنێ دبیتە رێبەر و رێزان ئانكو دبیتە بەرپرسێ وان ب بەراهیێ دكەڤیت، ئەڤ پرسە د ئایینێ پیرۆزێ ئیسلامێ دا، هەر وەسا د هەمی ئایینێن خۆدایی و پەرتووكێن ئاسمانی دا ڤێ پرسێ د چەند ئایەت و گۆتنان دا باس دكەن كو بەرپرس سەركردە و سەرۆك ئانكو تاكێ بەرپرس خزمەتكارێ خەلكێ خۆیە. بێگومان بەرپرسیارەتیێ ئەرك كار جۆر و مەرج هەنە كو بەرپرسیارەتیێن لەشكری سڤیل كارگێری جڤاكی و سیاسی، د ڤان هەمی قووناغێن ژیانێ دا پرسا بەرپرسیارەتیێ گوهۆرین و پێشكەفتن ب خۆڤە گرتینە تا كو گەهشتیە ڤی سەردەمی كو جیهانگێری زال بوویە پرسێن رەوشەنبیریا گشتی پتر پێشكەفتینە و بەربەلاڤبووینە ل ناڤ هەمی تاكێن جڤاكێن جیهانی دا، ئانكو جیهانێ پێشكەفتنەكا ئێكجار مەزن بدەستخۆڤە ئینایە كو هەر تاكەكێ ل جهەكی دكەنە سەروەر سەردار و بەرپرس بێ گومان ئەو دێ یێ جودا بیت ژ تاكێن دی كو شیان هێز و زانیەكا مەزن ل دەڤ هەیە، لەوما كریە رێنیشادەر، لێ ل ڤان سەردەمان زۆر پرسێن دی یێن نە ژ هەژی گۆتنێ كو مرۆڤ مرۆڤكانێ بەرژەوەندیێن تایبەت لەگلەگی، مەلاقی و گرۆپانێ هاتینە د ناڤا قادا وەرگرتنا بەرپرسیارەتیێ دا كو كەسانێن نە ژ هەژی دهێنە دانان ل جهێن هەستیار و گرنگ كو بتنێ دا د بەرژەوەندیا یێن بەرامبەر دا كار بكەت بلا یێ نەزان و خائین و خۆفرۆش بیت ژی، د سەر ڤێ چەندێ دا چەندین دیاردێن كەشەفرێت و شاش ل دەف چەندین بەرپرس و سەرداران دیار بووینە كو ل دەمێ ل كومتا دەستهەلاتی بیت ب هەمی هێزا خۆڤە پەسن و باشیێن وی جهی یان لایەنی ب باشی ل قەلەمددەت، لێ هەر دەمی ئەركێ بەرپرسیارەتیێ ب داوی دهێت یان دهێتە لادان ب هەمی هێزا خۆ ڤە رەخنێ ل وی لایەنی دگریت یێ كو ئەو كریە بەرپرس و ب رێكێن جودا جودا خۆ زەنگین كری و چوویە د خانا كەسانێن دەست درێژ و زەنگین دا، لەوما ئەڤ مانشێتێ ل سەری دیار مە دانان كو داخۆیانیێن بەری و پشتی بەرپرسیارەتیێ، ئومێدەوارین هەر كەسەكێ بەرپرسیاریەتەكێ وەرگریت چاڤ و گوه ل ئاخفتنا بهادارا خۆدێ ژێ رازی مەلا مستەفا بارزانی بكەت كو خو ب خزمەتكارێ خەلكێ خۆ بزانیت.
