پارێزگـارێ دهۆكێ دووڤچوونـا رەوشا بازاڕی ل سەنتەرێ دهۆكێ دكەت
د. عەلی تەتەر، پارێزگارێ دهۆكێ ب مەرەما هایداربوونێ لسەر ڕەوشا گشتی یا بازاڕی و دووڤچوونا بهایێن كەلوپەلان و كەرەستەیێن خوارنێ، دوهی 21/10/2026 سەرەدانەكا مەیدانی د ناڤ بازارێن سەنتەرێ دهۆكێ دا ئەنجامدا.
پارێزگارێ دهۆكێ ژ نێزیك گوهداری ل هژمارەكا دوكانداران كر و خواست د روەشا نوكە یا ئابۆری دا، بازرگان و فرۆشیار ل گەل وەلاتیان د هاریكاربن و پێگیرییێ ب ڕێنومایێن لژنێن دووڤچوونا بازاڕی و چاڤدێرییا بازرگانی و ساخلەمیێ بكەن.
دیسا هەر دوهی 21/10/2026 ب سەرپەرشتیا د. عەلی تەتەر، پارێزگارێ دهۆكێ و ب ئامادەبوونا ماجد سەید سالح، جێگرێ پارێزگاری و زیرەك تاهر، سەرۆكێ ئێكەتییا بەلێندەران تایێ دهۆكێ و ئەندامێن دەستەیێ و هژمارەكا بەلێدەرێن ل سنۆرێ پارێزگەها دهۆكێ كۆمبۆنەك هاتە ئەنجامدان.
د كۆمبۆنێ دا بەحسی ڕەوشا گشتی یا پڕۆژەیان و كارێ بەلێدەران و تەمامكرنا هندەك پڕۆژەیێن خزمەتگوزاری هاتە كرن، پاشی پارێزگارێ دهۆكێ گوهداری ل خواست و بیر و بۆچوونێن بەلێدەران بۆ بەردەوامییا پێشكێشكرنا خزمەتگوزاریێن گشتی و دابینكرنا پێدڤیێن كاری كر و پشتەڤەنییا ئیدارا پارێزگەهێ بۆ وان دوپاتكر.
