کارمەندەکێ نەخۆشخانێ ب سوندەی خوە خەندقاند
ئەڤرۆ نیۆز، قائید میرۆ:
شەڤا بۆری ل ناڤا نەخۆشخانەکا باژێڕێ ھەولێرێ کارمەندەکێ نەخۆشخانێ خوە خەندقاند و پۆلیسێن باژێڕیژی دبێژن، ئەڤی گەنجی ب قایش و سوندەی دوماھی ب ژیانا خوە ئینایە.
رائید کاروان عەبدولکەریم، پەیڤدارێ پۆلیسێن پارێزگەھا ھەولێرێ بۆ ئەڤرۆ نیۆز راگەھاند “دەمژمێر ١٢ی شەڤا بۆری ھێزێن پۆلیسان ھاتنە ئاگەھدارن ل ھەبوونا روویدانەکێ ل ناڤا نەخۆشخانا نانەکەلی پشتی گەھشتنا ھێزەکا پۆلیسان دەرکەفت گەنجەکی ب ناڤێ ( م، ا) تەمەن ٢٠ کارمەندێ خوارنگەھا نەخۆشخانا نانەکەلی ب قایشێ و سوندەی خوە خەندقاندیە و دوماھی ب ژیانا خوە ئینایە.
رائید کاروانی گۆتژی” ئەف گەنجێ خوە خەندقاندی تورکومانێ قەزا تەلەعفەرە و خێزاندارە، تەرمێ وی ھاتیە ھنارتن بۆ نۆشداریا داد و پۆلیسان دەست ڤەکۆلینێ کریە ل دۆر خوە خەندقاندنا ئەڤی گەنجی”.