ئێکەتیا تەپا پێی یا عیراقێ سێ راھێنەرا بەربژێر دکەت
ئەڤرۆ نيوز:
پشتی مورکرنا ھەڤبەستا راھێنەرێ پیشەکارێ رۆمانی جەمال حاجی بو سەرپەرشتی کرنا ئەرکێ راھێنەراتیا ھەلبژارتیێ نشتیمانیێ یێ عیراقێ ، ئێکەتیا تەپا پێآ یا عیراقێ حەزا خوە دیارکریە بو وێ چەندێ ھاریکارەکێ وی کو ل گەل ستافێ وی بیت ژ ناڤا عیراقێ بیت بو وێ چەندێ دەلیڤە ب راھێنەرێن نافخویی ژی بھێتە دان خو پێشبێخن.
ژێدەرەکێ نێزیک ژ جێگرێ ئێکەتیا تەپا پێی یا عیراقێ کامل زغەیر دیارکر کو رازیبوونەکا ب کوم ھاتیە وەرگرتن ژ ھەمی ئەندامێن ئێکەتیێ بو وێ چەندێ راھێنەرەکێ نافخویی ژی ل گەل ستافێ راھێنەراتیا ھەلبژارتیێ نشتیمانی بیت بو وێ چەندێ راھێنەرێن خوە پێشبێخین و ھەروەسا راھێنەرێ نافخویی دشێت ھندەک کاران بکەت یێ پیشەکار نەشێت بکەت.
زێدەتر ھەمان ژێدەر بو ئەڤرۆ دیارکر کو راھێنەرێ نوی یێ رۆمانی جەمال حاجی رازیبوونا خوە لسەر ڤێ داخوازا ئێ:ەتیا تەپا پێی دیارکریە و ھەروەسا دیارکریە یێ کەیفخووشە بڤێ پێنگاڤا ئێکەتیا تەپا پێی یا عیراقێ.
لدوماھیێ ھەمان ژێدەر دیارکر کو ئێکەتیا تەپا پێی ھەر ئێک ژ نزار ئەشرەف و عەلی ھادی و عیماد محەمەد بو ڤی پوستی بەربژێر کرینە و د رۆژێن بھێت دا دێ بریارەک لسەر ڤێچەندێ ھێتەدان و راھێنەرک ژ ڤان دێ ل گەل ڤی ستافی کارکەت.