هه‌ردو ره‌زڤانێن د ناڤ ئاگرى دا سۆتين برايێن ئێكن
ئه‌ڤرۆ نيوز:
پشتى دوهى دانێ ئێڤارى ئاگر به‌ردايه چيايێ زاوا ل ره‌ختێ تاخێ سێگركا و ب ژماره‌كا ره‌ز و باغێن وه‌لاتيان را چووين دو برايێن ئێك ژى د ناڤ دا هاتنه سۆتن.
حه‌مزه ره‌زيكى به‌رسێ راگه‌هاندنا رێڤه‌به‌ريا گشتيا ساخله‌ميا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز راگه‌هاند كو پشتى دوهى رۆژا ئه‌ينى رێكه‌فتى 31ى تيرمه‌ها 2015ێ ئاگر به‌ربوويه چيايێ زاوا ل تاخێ سێگركا و ره‌ز و باغێن وه‌لاتيان سۆتين، دو ره‌زڤان ژى د ناڤ دا هاتنه سۆتن.
به‌رسێ راگه‌هاندنا رێڤه‌به‌ريا گشتيا ساخله‌ميا پارێزگه‌ها دهۆكێ زێده‌تر گۆت: “ئه‌ڤ هه‌ردو ره‌زڤانه برايێن ئێكن و د ژيێ 30 و 42 ساليێ دانه و رێژا سۆتنا وان 95% يه”.
ره‌زيكى دا زانين ژى كو پشتى كونترۆلكرنا ئاگرى ئێكسه‌ر تيمێن وان يێن ڤێراگه‌هشتنێن ده‌سپێكى گه‌هشتبوونه وێرێ، به‌لێ ژ به‌ر كو دره‌نگ ئاگر هاته كونرۆلكرن، گه‌له‌ك هاتينه سۆتن.