سه‌را به‌رێخوه‌دانه‌كێ دو كه‌س كوشتن
ئه‌ڤرۆ نیۆز، قائید میرۆ
سه‌را به‌رێخوه‌دانه‌كێ شه‌ڕ دكه‌ڤیته ناڤبه‌را هژماره‌ك وه‌لاتیێن تاخه‌كێ باژێڕێ هه‌ولێرێ و د ئه‌نجامدا دو كه‌س هاتنه كوشتن و چوار كه‌س برینداربوون.
موقه‌ده‌م كاروان خۆشناو، په‌یڤدارێ پۆلیسێن هه‌ولێرێ ب ئه‌ڤرۆ نیۆز راگه‌هاند” شه‌ڤا بۆری ل خارنگه‌هه‌كا تاخێ نه‌ورۆز سه‌را به‌رێخوه‌دانه‌كێ شه‌ڕ دكه‌ڤیته ناڤبه‌را دو ولاتیان و پشتی گه‌هشتنا مرۆڤێن وان ب چه‌قویا دناڤ ئێك د كه‌ڤن و د ئه‌نجامدا دو كه‌س هاتنه كوشتن و چوار كه‌سژی بریندارن.
كاروانی دیاركر، پشتی گه‌هشتنا هێزه‌كا پۆلیسان هژماره‌ك تۆمه‌تبار هاتنه ده‌سته‌سه‌ركرن و ره‌وشا ساخله‌میا بریندارانژی مه‌ترسیداره و لبن چاڤدێریا نۆشدارانن.