دھۆکیێ دویێ ھەڤبەستا مینا مورکر
ئه‌ڤرۆ نيوز:
ستێرا ھێلا ناڤەراستا یانا پێشمەرگا ھەولێرێ و کورێ باژێرێ دھۆکێ غیاس شوکر ب فەرمی ھەڤبەستا یانا مینا یا بەسرا ئیمزاکر بۆ وێ چەندێ ل وەرزێ بھێت پشکداریێ د خولا نایابا عیراقێ دا یاریێ بکەت.
لدور ڤێ چەندێ یاریکەرێ ناڤبری بۆ رۆژناما ئەڤرۆ گوت: پشتی چەند رۆژێن بێھن فرەھیێ و ھزرکرنێ گەھشتمە وێ باوەریێ کو دێ یێ سەرکەفتیبم ل یانا مینا، لەورا من ھەڤبەستا وان ئیمزاکر و ھەروەسا رژدیا راھێنەرێ تیمێ یێ سوری حوسام سەید بو پشتەڤان کو بمینم.
زێدەتر غیاسی ئەوێ بەری نوکە لسەر دەستێ راھێنەر شڤان حاجی یاری بو لاوێن زێرەڤانی کری، دیارکر کو گەلەک تیمێن خولا کوردستانێ و عیراقێ پەیوەندی پێکربوو، لێ وی مینا ھەلبژارت ژبەر وێ چەندێ کو دێ شێت زێدەتر رۆلێ خوە بینیت وەکو یاریکەرەکێ سەرەکی د ناڤ پێکھاتێ تیمێ دا.
ل دووماھیێ غیاسی دیارکر کو ھەڤبەستا وی بو ماوێ سالەکێ ب کوژمێ ٥٠ ملیون دیناران ل گەل مووچە و جھێ ڤە حەواندنێ و خارن و ڤەخارنێ و دیارکر ھەبوونا ھەڤالێ وی زیاد ئەحمەد ل گەل وێ تیمێ بو ھاندەرەکێ مەزن کو بشێت ژیانا خوە ل باژێرێ بەسرا ببورینیت.
