بیره‌وه‌ریا كاره‌ساتا ئه‌نفالێن بادینان هاته ساخكرن
ئه‌ڤرۆ نیوز:
ل پاركا ئازادى ل باژێرێ دهۆكێ، 27 ه مین سالڤه‌گه‌را ئه‌نفالا بادینان ب ڤه‌كرنا پێشانگه‌هه‌كا مه‌رگه‌ساتا ئه‌نفالان هاته ساخكرن كو ژماره‌كا زورا خانه‌وداێن شه‌هیدان و به‌رپرسێن حكومى به‌رهه‌ڤ ببوون.
رژێما به‌عسا ژ ناڤچوویى ل25/8/1988 تاوه‌كو 6/9/1988 ده‌ست قوناغا هه‌شتێ یا ئه‌نفالان ل ده‌ڤه‌را بادینان كر و دخواستن ملله‌تێ كورد ژ ناڤ ببه‌ن، و ل دویڤ به‌لگه‌نامه‌كا راپورتا فه‌یله‌قا پێنج، د قوناغا هه‌شتێ یا ئه‌نفالێن بادینان دا، 664 گوند هاتنه سوتن و زێده‌تر ژ 1700 كه‌س ژى هاتنه گرتن و بێ سه‌روشوین كرن.
عه‌لى به‌ندى به‌رپرسێ سه‌نته‌رێ ئه‌نفال كو ب ڤه‌كرنا ڤێ پێشانگه‌هێ رابویه بۆ ئه‌ڤرۆ نیوز گۆت” سه‌ره‌راى قه‌یرانا ئابوورى، به‌لێ مه پێدڤى زانى ڤێ بیره‌وه‌ریێ ساخ كه‌ین و وێنێن تراژیدى یێن ئه‌نفالێ نیشا بده‌ین داكو ئه‌ڤ بیره‌وه‌ریه نه‌هێته ژبیركرن و ملله‌تێ كورد مفاى ژ رابردوویا خوه وه‌رگریت”.
