كه‌نه‌دا پشتى ئالان وه‌رنه‌گرتى، ئه‌ڤ بریاره ده‌رحه‌ق په‌نابه‌ران ده‌رخست
ئه‌ڤرۆ نیوز، ئه‌یاد به روارى
سه‌رۆك وه‌زیرێن هه‌رێما كێبك یا كه‌نه‌دی به‌رهه‌ڤیا هه‌رێما خوه بۆ پێشوازیا ب هزاران په‌نابه‌رێن سووری كر.
فیلیب كوبار سه‌رۆك وه‌زیرێن هه‌رێما كیبك یا كه‌نه‌دی بۆ ئاژانسا (فرانس پرێس) گوت” كاره‌ساته ئه‌م پێدڤی ب وێنه‌كێ زارۆكه‌كێ خه‌ندقی د ده‌ریایێ دا بین هه‌تاكو وژدانا مه ب لڤینیت” وه‌كو ئاماژه‌ك بۆ وێنێ وی زارۆكێ كوردێ سووری یێ خه‌لكێ كوبانی ئه‌وێ ل سه‌ر لێڤێن كنارێن توركیا خه‌ندقی و وی وێنه‌ی جیهان هه‌موو هه‌ژاندی.
هه‌رێما كیبك یا كه‌نه‌دی ل سالا 2015 ێ پێشوازی ل 640 په‌نابه‌رێن سووری یا كری و هه‌تا 24 مه‌ها ته‌باخا بۆری كه‌نه‌دا پێشوازی ل 1074 په‌نابه‌رێن سووری كربوو ژ هژمارا 10 هزار په‌نابه‌رێن سووری كو كه‌نه‌دا سۆز دای دده‌مێ سێ سالان دا وێ هژمارا په‌نابه‌ران وه‌رگریت ل دووڤ داخویانیا وه‌زاره‌تا كوچبه‌ریا كه‌نه‌دی.
