خودان ترۆمبێل دێ باجا سالانه ده‌ن
ئه‌ڤرۆ نیوز: ڤه‌ده‌ر ره‌شاڤایی:
په‌رله‌مانێ ئیراقێ پرۆژه‌یاسایا باجا سالانه یا ترۆمبێلان په‌سه‌ندكر كو هه‌رێما كوردستانێ ژی بخوه‌ڤه دگریت.
باج ژ 60 هزاران بۆ 600 هزارانه و خودان ترۆمبێل سالانه دێ ڤێ باجێ ده‌ن، و پاره‌یێ دهێته وه‌رگرتن بۆ وێ پارێزگه‌هێ یه یا باج لێ دهیته دان كو دێ د رێك و پران دا هێنه مه‌زاختن.
د یاسایێ دا جۆر و كۆژمێ باج دانێ ب ڤی ره‌نگی یه: ترۆمبێلێن تایبه‌ت 60 هزار دینار، ترۆمبێلا كرێ 5 نه‌فه‌ری 120 هزار دینار، ترۆمبێلا كرێ 5 بۆ 18 نه‌فه‌ری 150 هزار دینار، ترۆمبێلا كرێ 18 نه‌فه‌ری زێده‌تر 210 هزار دینار، ترۆمبێلێن بار هه‌لگر ئێك ته‌نی 180 هزار دینار، ئێك ته‌نی زێده‌تر بۆ 5 ته‌نی و رافیعه 240 هزار دینار، بارهه‌لگرا زێده‌تر ژ 15 ته‌نی 600 هزار دینار.
