ل بن فشارا ئه‌مريكا عه‌بادى دێ ژ خاله‌كا چاكسازيێ لێڤه بيت
ئه‌ڤرۆ نيوز:
ب گۆره‌يى نووچه‌كێ ئاژانسا ئيرانى يا ده‌نگوباسان بالوێزخانا ئه‌مريكا كو مه‌زنترين بالوێزخانه‌يه ل رۆژهه‌لاتا ناڤه‌راست داخواز ژ عه‌بادى كريه كو ژ بڕيارا خوه لێڤه ببيت ل دۆر ڤه‌كرنا ده‌ڤه‌را كه‌سه‌ك ب روويێ وه‌لاتيان دا.
ئاژانسا “فارس” يا ئيرانى ژ زارده‌ڤێ وه‌لاتيێن عيراقى به‌لاڤكريه كو بالوێزخانا ئه‌مريكا ل دۆر ڤه‌كرنا ده‌ڤه‌را كه‌سك ب روويێ وه‌لاتيان دا، نڤيساره‌كا دژوار ئاراسته‌يى حه‌يده‌ر عه‌بادى سه‌رۆك وه‌زيرێن عيراقێ كريه.
هه‌ر ب گۆره‌يى وان پێزانينان پشتى بۆرينا 12 ده‌مژمێران ژ گه‌هشتنا وێ نڤيسارى حه‌يده‌ر عه‌بادى داخوازيا وان ب جهـ ئينايه و ژ بڕيارا خوه لێڤه بوويه و دايه زانين كو په‌يوه‌ندى ب بابه‌تێ ئه‌منى ڤه هه‌يه و بالوێزخانا ئه‌مريكى نه‌شێت كارێ خوه ب دروستى بكه‌ت.
