لدووڤ پێشنیاره‌كێ هه‌رێما كوردستانێ به‌هر د بۆدجا ئیراقێ یا 2016 دا نابیت
ئه‌ڤرۆ نیوز: ڤه‌ده‌ر ره‌شاڤایی:
ئه‌ندامه‌كێ لژنا دارايي ل په‌رله‌مانێ ئیراقێ ئاشكرا كر كو پێشنیاره‌كا په‌رله‌مانییا ئیراقی هاتییه پێشكێشكرن بمه‌ره‌ما وێ یه‌كێ هه‌رێما كوردستانێ به‌هرا خوه د بۆدجێ سالا 2016 یێ بۆدجا گشتییا ئیراقێ دا نه‌بیت.
مه‌سعود حه‌یده‌ر گۆت كو هه‌ڤپه‌یمانییا نیشتمانییا شیعه ئه‌ڤ پێشنیاره لسه‌ر وی بنیاتی دانایه كو هه‌رێما كوردستانێ بخوه دشێت بۆدجا خوه دابین كه‌ت و پێدڤی ناكه‌ت به‌غدا چ ژ بۆدجێ خوه بۆ هه‌رێمێ دابین كه‌ت هه‌رچه‌نده هێشتا هه‌ڤپیه‌مانیێ نه‌كریه بریاره‌كا فه‌رمی.
تێ زانین سه‌رۆك وه‌زیرێ ئیراقێ عه‌بادی دیاركربوو كو بودجا سالا 2016 ێ یا ئیراقێ دێ ل ناڤه‌راستا ڤێ مه‌هێ هێته گۆتوبێژكرن و ل مه‌ها دووڤدا دێ بۆ په‌رله‌مانێ ئیراقێ هێته هنارتن.
