زاخۆ و مینا ب خاله‌كێ رازى نابن
زاخۆ,هشیار دوبانكى:
د چارچوڤێ یاریێن گه‌را ئێكێ دا ژ خۆلا عیراقێ یا ته‌پا پێ بۆ یانێن پلا نایاب ژڤانه 15-9 ل یاریگه‌ها ده‌لال، یانا زاخۆ یاریا خوه یا ئێكێ به‌رامبه‌ر یانا مینا ل یاریگه‌ها خوه ئه‌نجام بده‌ت، ئارمانجا هه‌ردو تیما دڤێ یاریا ده‌ستپێكێ سه‌ركه‌فتنه وچ تیم ب وه‌كهه‌ڤیێ رازى نابیت.
عه‌لى وه‌هیب ریڤه‌به‌رێ تیما یانا زاخۆ ل دۆر به‌رهه‌ڤیێن یانا زاخۆ دبێژیت : تیما مه دره‌وشه‌كا باش دا ده‌ربازدبیت پشتى 20 روژێن كه‌مپێ وبه‌رهه‌ڤیه‌كا باش بۆ یاریا به‌رامبه‌ر مینا كریه ومه چ كێماسى دناڤف پێكهاتیێ تیمێ دا نینه به‌لێ تشتێ ئارمانج ئه‌وه یاریه‌كا هێرش برنێ ئه‌م هه‌ر سێ خالێن یاریێ بده‌ست ڤه بینن چونكه كارگیریا یانا زاخۆ رازى نابیت ب وه‌كهه‌ڤیێ، بتنێ سه‌ركه‌فتن ئارمانجا مه یه به‌رامبه‌ر هندێ كو یانا مینا یانه‌كا باش و بزه‌حمه‌ته، ل وه‌رزى بورى ئاسته‌كێ باش پپَشكیش كر وئه‌ف ساله به‌رهه‌ڤیه‌ك باشتر كریه به‌لێ خالا لاواز ئه‌وه یاریا مه بێ جه‌ماوه‌ره ودڤێت ئیكه‌تیا ته‌پا پێ پیداچونه‌كێ دبریارا خوه دا بكه‌ت چونكه جه‌ماوه‌رێ زاخۆ ره‌وشا خولا عیراقى یه
ژلایێ خوه وه‌لید جومعه راهینه‌رێ هێزا له‌شى یێ یانا مینا دبێژیت : یاریا مه دگه‌ل یا باساناهى نابیت چونكه زاخۆ ئه‌ف ساله جیاوازه ژ سالین بورى راهینه‌ر وسێ پێشه‌كارین رومانى زیده‌بارى گولكه‌ره‌كێ به‌رازیلى به‌لێ مه وه‌كو ده‌سته‌كا راهینه‌را دڤێت ئه‌م ده‌ستپَیكه‌ك باش دخولا عیراقێ دا بكه‌ن وژبلى سه‌ركه‌فتنێ ئه‌م رازى نابن ومه چ گیماسى دناف بیكهاتیى تیمێ دا نینه.
