داعش بۆ جه‌ژنێ لبه‌ره هێرشان بكه‌ته سه‌ر پێشمه‌رگه‌ی
ئه‌ڤرۆ نیۆز، قائید میرۆ:
فه‌رمانده‌یه‌كێ هێزێن پێشمه‌رگه‌ی ئاشكراكر، داعش هێزێن خوه ل سه‌نگه‌رێن به‌رامبه‌ر پێشمه‌رگه‌ی زێده‌كرینه و لبه‌ره هێرشان بكه‌ت، به‌لێ پێشمه‌رگه یێ به‌رهه‌ڤه بۆ به‌رسڤدانا وان.
به‌هرام عه‌ریف یاسین، فه‌رماندێ پێشمه‌رگه‌ی ل میحوه‌رێ باشیك ب ئه‌ڤرۆ نیۆز راگه‌هاند” گروپا تیرۆرستیا داعش ل میحوه‌رێ خازر هه‌تا دگه‌هیته باشیك و ناوه‌ران هێزێن خوه زێده كرینه و رۆژانه سه‌نگه‌رێن پێشمه‌رگه‌ی ژلایێ تیرۆرستێن داعشڤه دهێنه تۆپبارانكرن، گوره‌ی زانیاریێن بۆمه هاتی داعش لناڤ موسل پڕۆپاگنده‌كرینه و ب خه‌لكێ باژێڕی گۆتیه دێ ل جه‌ژنێ هێرشی سه‌ر هێزێن پێشمه‌رگه‌ی بكه‌ین.
به‌هرامی گۆت ژی” هه‌ر گوره‌ی زانیاریان داعش لبه‌ره د ئه‌ڤان هێرشاندا چه‌كێ كیمیایی دژی پێشمه‌رگه‌ی بكاربینیت، به‌لێ چو كاریگه‌ری نابیت و هێزێن پێشمه‌رگه‌ی د به‌رهه‌ڤن بۆ به‌رسیڤدانا هه‌ر هێرشه‌كێ.”
