ئه‌ڤرۆ سه‌نحاريب دێ بزاڤێن ب ده‌ستڤه‌ئينانا ناسناڤى كه‌ت
ئەڤرۆ نيوز:
چاڤەرێ دھێتەکرن ئەڤرۆ ل ھولا گرتیا یانا سەنحاریب یا وەرزشی یاریا دووماھیا قارەمانیا عیراقێ یا ڤولی بولێ ل سەر ئاستێ کچان دناڤبەرا یانا سەنحاریب نوونەرا پارێزگەھا دھۆکێ و یانا قەرەقوش ئەوێن د یاریێن خوە یێن دوھی دا ل قوناغا پێش دووماھیێ ب سەرکەفتین بھێتەکرن.
د یاریا ئێکێ دا ھەلگرا ناسناڤێ وەرزێ بوری تیما قەرەقوش د یاریەکا ب ھێز دا شیا سەرکەفتنێ ل سەر کچێن برایەتی توماربکەت و د یاریا دویێ دا نوونەرا پارێزگەھا دھۆکێ تیما سەنحاریب شیا سەرکەفتنێ ل سەر تیما ئەکاد توماربکەت ب سێ گێما بێ بەرامبەر.
راھێنەرێ سەنحاریب سانت فراس د داخویانیەکێ دا بۆ رۆژناما ئەڤرۆ گوت: د بەرھەڤیەکا باش داینە بوو یاریا ئەڤرۆ و چو کێماسی ل پێکھاتیێ تیمێ دا نینە و ئارمانجا مە یا سەرەکی ناسناڤێ قارەمانیێ ب دەستخوڤە بینین و دەستکەفتەکا دی ل سەر دەستکەڤتێن پارێزگەھێ زێدەبکەین و داخوازی ژ جەماوەرێ پارێزگەھێ دکەین ئەڤرۆ ل ھولێ ئامادەبن بوو پشتەڤانیا تیمێ.
ژلایەکێ دووڤە بریارە ھەر ئەڤرۆ ل دەمژمێر چار ئێڤاری یاریا رێزا سێ و چارێ دناڤبەرا ھەردو یانێن ئەکاد و برایەتی ل ھەمان ھول بھێتەکرن.
