مه‌كته‌با سیاسى یا پارتى په‌یامه‌كێ به‌لاڤ دكه‌ت
ئه‌ڤرۆ نیوز:
پشتى روودانێن ئه‌ڤرۆ یێن باژاروكێ قه‌لادزێ، مه‌كته‌با سیاسى یا پارتى دیموكراتى كوردستان په‌یامه‌ك به‌لاڤكر و ئه‌ڤه‌ژى كورتیا ناڤه‌رۆكا وێ یه:
جه‌ماوه‌رێ خوراگرێ كوردستانێ
ئه‌ڤرۆ ل قه‌لادزێ ب هاندانا لایه‌نه‌كێ سیاسى و بێى هه‌بوونا چ به‌هانه‌یه‌كێ، ئاراستا خونیشاده‌ران هاته گوهۆرین بۆ به‌ره‌ڤ باره‌گایێ لژنا مه و ژ ئه‌نجامێ ده‌ستدرێژیا سه‌ر باره‌گا و كادر و پێشمه‌گێن زێره‌ڤانێن باره‌گایێ مه، د چوارچوڤێ هێرشێن بێ به‌هانه‌دا، جهێ داخێ یه روودانێن نه‌خواستى چێ بوون، د ڤى ده‌مى دا، به‌رپرسایه‌تى دكه‌ڤیته ستوویێ هه‌موو لایه‌ك بۆ هێمنكرن و ئاسایى كرنا ڤێ ره‌وشێ و پێدڤیه ئیداره و دام و ده‌زگه‌هێن ئاسایش و پولیسان به‌رپرسایه‌تیا پاراستنا باره‌گا و سه‌رومالێن كادرێ مه ب ستویێ خوه بگرن و یێن پاراستى بن ل ده‌ستدرێژیێ.
مەکتەبى سیاسى
یا پارتی دیموکراتى کوردستان
9/10/2015
