پارتی دێ ل سه‌ر دانوستاندنان یا به‌رده‌وام بیت
ئه‌ڤرۆ نیۆز، قائید میرۆ
كادره‌كێ پێشكه‌فتیێ پارتی دیموكراتی كوردستان ئاشكراكر، سه‌ره‌رای ده‌ركرنا لایه‌نێ گۆڕان ژ حوكمه‌تێ، به‌لێ دێ دانوستانێن پارتی و لایه‌نێن سیاسی ل دۆر پرسێن نوكه به‌رده‌وامبیت.
هێرش مه‌لا جه‌وهه‌ر، كادرێ پێشكه‌فتیێ پارتی ب ئه‌ڤرۆ نیۆز راگه‌هاند” پارتی هه‌مبه‌ر ڤان هێرشێن سه‌ر باره‌گایێن خوه ل سنورێ سلێمانی و هه‌له‌بجه زۆر سه‌بر گرت، به‌لێ چو مفا نه‌بوو گۆڕان یا به‌رده‌وامبوو لسه‌ر هاندانا خه‌لكی بۆسه‌ر باره‌گه‌هێن پارتی ل وی سنوری.
هێرشی گۆتژی” بڕیارا مه‌كته‌با سیاسیا پارتی بێی دیراسه‌ت نه‌بوویه و بڕیاره‌كا دجهێ خوه‌دابوویه و ل گه‌ل ڤێ چه‌ندێ كو گۆڕان هاته ده‌ركرن ژ حوكمه‌تێ، به‌لێ دێ پڕۆسا سیاسی یا به‌رده‌وامبیت و دانوستانێن پارتی دگه‌ل لایه‌نێن سیاسی لدۆر پرسێن نوكه‌یێن هه‌رێما كوردستانێ و سازانێ به‌رده‌وام بیت.
