داخوازا ته‌ناكرنا ره‌وشا هه‌رێمی دهێته‌كرن
ئه‌ڤرۆ نیۆز، قائید میرۆ
ئه‌ڤرۆ پتری سه‌د رێكخراوێن مه‌ده‌نی ل پارێزگه‌ها هه‌ولێرێ د یاداشته‌كێ دا داخواز ژ لایه‌نێن سیاسی كر ئه‌ڤان ئالۆزیان چاره‌سه‌ربكه‌ن.
رێباز یوسف، چالاكڤانێ مه‌ده‌نی ب ئه‌ڤرۆ نیۆز راگه‌هاند” نوكه ره‌وشا هه‌رێما كوردستانێ پتر هه‌ر ده‌مه‌كی ئالۆزبوویه و پێدڤی ب ته‌ناكرنا ره‌وشا هه‌رێما كوردستانێ هه‌یه، له‌وڕا ئه‌ڤرۆ مه وه‌كی 115 رێكخراوێن جڤاكێ مه‌ده‌نی ل هه‌ولێرێ د پڕێنس كۆنفڕانسه‌كێ دا یاداشته‌ك ئاراسته‌ی لایه‌نێن سیاسی كر.
رێبازی گۆتژی” دڤێ یاداشتێ دا مه داخواز ژ لایه‌نێن سیاسیێن هه‌رێما كوردستانێ كریه، ده‌مه‌كێ ده‌ست ب دانوستانێن خوه بكه‌ن بۆده‌ربازبوونا هه‌رێمێ ژڤان قه‌یرانێن نوكه ئه‌م تێداینه، چونكو ئالۆزبوونا ره‌وشێ د به‌رژه‌وه‌ندیا چو كه‌س و لایه‌نه‌كی دا نینه.
دیاركر ژى، پێدڤیه چاكسازی ل هه‌رێما كوردستانێ بهێته‌كرن و بزاف بهێنه‌كرن ئاریشه‌یێن نوكه هه‌رێم ڤه‌گرتی بهێنه چاره‌سه‌ركرن، ژبه‌ركو هه‌رێما كوردستانێ د قه‌یرانێ دایه.
