ئهو چار راهێنهرێن بهربژێر بۆ جهێ مورينهۆى
ئهڤرۆ نيوز:
خوزێ مورينهۆ رۆژا شهمبى تووشى خوسارهتيا پێنجێ بوو د ڤى وهرزێ پريمهرليگ دا، ژ بهر هندێ ژى بهحس ل دوورخستنا وى راهێنهرێ پرتۆگالى گهرم بوويه و بهربژێر ژى بۆ جهێ وى هاتينه دهستنيشانكرن.
چێلسى 2-1 ل گهل وێستهام يونايت خوسارهت بوو و مورينهۆ ژ ياريێ دهرخست، بهلێ ميديايێن ئنگليزى و جيهان ب گرنگى بهحسێ گوهۆرێنا وى ژ پۆستێ وى دكهن، د 10 ياريان دا 11 خال ههنه و پێنج جاران ژى تووشى خوسارهتيێ بوويه و ل پلا 16ێ دهێت د دهمهكى دا سالا بۆرى قارهمانا خولێ بوو.
بهربژێرێن جهێ مورينهۆى:
1- دیێگۆ سیمیۆنی: د سهر وێ چهندێ را كو راهێنهرێ يانا ئهتلهتيكۆ مهدريد يا ئسپانى يه و ل گهل يانێ يێ كهيفخۆشه، بهلێ شێوازێ ياريا وى يێ نێزيكى يێ مورينهۆيه و دهمهكه بۆ وى جهى يێ بهربژێره.
2- پیپ گواردیۆلا: هاڤينا سالا داهاتى دێ گرێبهستا وى ل گهل بايرن ميونخا ئهلمانى ب دووماهى هێت و ژ بهر هندێ ژى دهێته پێشبينيكرن گرێبهستا خوه نوو نهكهت و بچيته پريمهر ليگ، چێلسى دێ ههلبژاتنهكا باش بيت بۆ وى.
3- كارلۆ ئهنچیلۆتی: نوكه يێ بێ كاره و راهێنهرێ چو يانان نينه، ژ بهر هندێ دبيت ئهبراهاموڤێچ هزر ل وێ چهندێ بكهت كو دووباره ڤهگهرينيته ڤه ستامفورد برێدج، بهرى نوكه دو جاران ل گهل بلۆز بوويه قارهمانێ پريمهر ليگ.
4- رۆناڵد كومان: پشتى ژ يانا سهندرلاند دهست ژ كاركێشايى دبيت چێلسى ب رهنگهكێ دهمكى ههتا ئهڤ وهزره ب دووماهى دهێت بكهته راهێنهرێ تيما خوه.
