هه‌والگیریا ئه‌مریكا: چاره‌یا له‌شكری ل عیراقێ و سووریێ یا ب زه‌حمه‌ته
ئه‌ڤرۆنیۆز، ئه‌یاد به‌روارى
سه‌رۆكێ هه‌والگیریا ئه‌مریكی ( CAI) راگه‌هاند، هنارتنا له‌شكری بۆ عیراقێ و سووریێ باشترین ڕێ نینه بۆ چاره‌كرنا ره‌وشا عیراقێ و سووریێ و دووپاتكر كو چاره‌یا له‌شكری ل وان هه‌ردو وه‌لاتان یا ئه‌سته‌مه.
جون برینن سه‌رۆكێ هه‌والگیریا ئه‌مریكی د كونگره‌كێ رۆژنامه‌ڤانی دا ل گه‌ل هژماره‌كا به‌رپرسێن ئه‌منی یێن ئه‌مریكی ل واشنتۆن گوت” ل عیراقێ و سووریێ و یه‌مه‌نێ و لیبیا ب زه‌حمه‌ته حوكمه‌تێن ناڤه‌ندی ببیته ئالاڤه‌ك بۆ ڤه‌گه‌راندنا ده‌ستهه‌لاتێ و ئێمناهیێ بۆ وان وه‌لاتان”.
زێده‌تر گوت” چاره‌سه‌كرنا گرفتان ل وان وه‌لاتان دێ ب ڕێیا دروستكرنا باوه‌ریێ بیت د ناڤبه‌را حزبێن ده‌ستهه‌لاتدار دا” ئه‌ڤه ژی ئاماژه‌كه بۆ دوباره ڤه‌ژاندنا ستراتیژیه‌تا ئه‌مریكی ئه‌وا ژلایێ ئۆبامای ڤه هاتیه په‌یره‌وكرن ئه‌وژی لێگه‌ریان ل هه‌ڤپه‌یمانان ل وان ده‌ڤه‌ران ب مه‌ره‌ما پشته‌ڤانیا وان كو دووماهیا وێ ستراتیژیه‌تێ ل ده‌مێ بۆری، شكه‌ستن بوو.
