هه‌ستى و ناسناما كه‌سه‌كى هاتنه ديتن
ئه‌ڤرۆ نيوز، بارزان مزوورى:
سفیان دەلکانی، چالاکڤانێ ئێزدی ل دەڤەرا خانه‌سورێ بۆ ئەڤرۆ نیوز ئاشکرا کر کو دوھی کۆمەکا ھه‌ستی و كلۆخێ سەرێ مرۆڤی د گەل ناسناما وی ل کۆمەلگەھا خانه‌سورێ ل روژئاڤا مووسل ھاتنه دیتن، ئەو ناسناما د گەل ب ناڤێ “خەلەف”ه ئاکنجیێ خانه‌سورێ یە، دەمێ ھاتنا داعش کەفتیە د دەستێن وان دا گولەباران کریە چونکو جھێن گولەیا ھه‌ستیێن وی ھەبوون.
ناڤبری دیار کر کو ئێک ب تنێ بۆ، به‌لێ گۆمان ھەیە نە ئێکێ ب تنێ بیت چونکو ل ل دور دورێن وی ھندەک جلوبەرگ ھەبوون، به‌لێ هه‌ستى و كلوخێ ئێك مرۆڤ ب تنێ هاتيه ديتن.
چالاكڤانێ ئێزدى گۆتژى: “ئه‌ڤرۆ 2ى چريا دويێ 2015 دێ مالباتا وان چن بۆ جهێ ديتنا ناسنامى وى كه‌سى و هه‌ستى و كلۆخێ وى كۆم كه‌ن و ڤه‌گوهێزن بۆ جهێ وان دڤێت ل وێرێ بن ئاخ كه‌ن”.
ب پێدڤى ژى زانى كو جهێن شوله‌ژێ ڤه‌كۆلينێ ل وى جهى و ده‌وروبه‌رێن وى بكه‌ن ژ به‌ر كو “ئه‌ز پێشبينى دكه‌م گۆڕێن ب كۆم ل وێرێ هه‌بن”.
