خواندنا ئیڤاران ل كولیژا پەروەردا بنیات ل ئامێدیێ دێ هێتە ڤەكرن
ئه‌ڤرۆ نیوز:
هەر دو ئەندامێن پەرلەمانێن كوردستانێ، د.زوزان صادق و نەجات محه‌مه‌د سەرەدانا زانكۆیا دهۆك كر، د رینشتنەكێ دا دگەل سەرۆكێ زانكۆیا دهۆك پروفیسور د.مصلح دهۆكی بەحسێ پروسێسا خواندنێ ل زانكۆیا دهۆك كر و ئەو پشكێن نوی یێن هاتینە ڤەكرن ل زانكۆیێ.
پەرلەماتنتارێن ناڤبری سوپاسیا زانكۆیا دهۆك كر بۆ ڤەكرنا كولیژا پەروەردا بنیات ل ئامێدیێ ئەڤ سالە و داخواز ژ سەرۆكێ زانكۆیا دهۆك كر خواندنا ئیڤاران ل ڤی كولیژی ڤەكه‌ن بو مامووستایێن دەڤەرا ئامێدیێ، ژلایێ خو ڤە سەرۆكێ زانكۆیا دهۆك پروفیسور د. مصلح دهۆكی سوز دا خواندنا ئیڤاریان ل كولیژا بنیات ل ئامیدیێ ڤەكەت بۆ خزمەتا مامووستایێن دەڤەرێ.
دهێتە زانین كولیژا پەروەردا بنیات ل ئامێدیێ ب دوو پشكین زمانێ ئینگلیزی و كومەلایه‌تی هاتیە ڤەكرن كو بو سالا خواندنێ 2015 – 2016 دی قوتابیان وەرگریت.
ژێده‌ر: مالپه‌رێ زانكۆیا دهۆك
