دێ شووکەت
ئەڤرۆ نیوز:
سترانبێژا بەرنیاسا لوبنانی ھەیفا وەھبی د بەرنامەکێ روو ب روودا ئاشکەرا کر، ئێدی ئەو نەشێت بێی ھەڤژین بژیت.
ھەیفایێ گۆت: بۆ ھەر قوناغەکا ژیانێ مرۆڤی پێدڤیا ب ھندەک تشتان ھەی، و بۆ ڤێ قوناغا ئەز تێدا دبۆرم من پێدڤیا ب ھەڤژینەکی ھەی، چونکو پشتی ئەز ژ ھەڤژینێ خوە جوودا بوویم ، پشتی دەمەکی من ھەست پێکر کو ئەز یا د ڤالاھیەکێ دا دژیم، و گەلەک جاران دمالێ دا ژبەر ھزرکرنێن کوور ئەز تووشی نەرحەتیەکێ دبووم، لەورا ھەردەم من پەنا دبرە بەر گەشتکرنێ، و ھندەک جاران ل گەل برا و مالا خوە، ھندەک جاران ژی ل گەل ھەڤالێن خوە ئەز دچوومە ڤی وەلاتی و وەلاتێ ھەنێ، لێ دووماھی بریارا من ئەوە ئەز بۆ خوە شوو بکەم، و ھەکە ھاتۆ قسمەتێ مەھات و ئەو کەس یێ باش بیت دێ شوو پێکەم.
