ئه‌بۆ به‌كر به‌غدادى و شاره‌زايێ چێكرنا ته‌قه‌مه‌نيان هێشتا يێ ل ناڤ مووسل
ئه‌ڤرۆ نيوز:
هشيار زێبارى وه‌زيرێ دارايى يێ به‌رێ يێ عيراقێ و سه‌ركردێ ديارێ پارتى ديموكراتى كوردستان راگه‌هاند كو ئه‌و باوه‌ريا زێده يا د ناڤبه‌را له‌شكرێ عيراقێ و پێشمه‌رگێ كوردستانێ بۆ ئه‌گه‌رێ وێ چه‌ندێ كو ل ده‌سپێكا ئۆپه‌راسيۆنا ئازادكرنا مووسل پێشڤه‌چوونێن مه‌زن ب ده‌ست ب كه‌ڤن.
هێزێن پێشمه‌رگێ كوردستانێ ل ده‌سپێكا ئۆپه‌راسيۆنا رزگاركرنا مووسل ل سنورێ ده‌ڤه‌رێن خازر شيان د ماوه‌كێ گه‌له‌ك كێم 9 گۆندان ژ ده‌ستێ چه‌كدارێن داعش رزگار بكه‌ن و له‌شكرێ عيراقێ ژى هه‌تا نوكه زێده‌ترى 300 كيلۆمه‌ترێن دوجا ژ بن ده‌ستێ داعش ئيناينه ده‌ر ل رۆژئاڤايێ باژێرى.
هشيار زێبارى بۆ رويته‌رز دا زانين ژى كو ئۆپه‌راسيۆنا رزگاركرنا مووسل يا ب ساناهى نينه و گه‌له‌ك پێدڤى هشياريێ و ئه‌گه‌رێ مه‌ترسيێ ژ هه‌ر لايه‌كى ڤه هه‌يه.
زێبارى ته‌كست ل سه‌ر وان پێزانينێن هه‌والگه‌رى يێن ل به‌ر ده‌ستێ خوه كرن و گۆت: “ب گۆره‌ى پێزانينێن هه‌والگه‌رى يێن باوه‌رپێكرى، ئه‌بۆ به‌كر به‌غدادى سه‌رۆكێ چه‌كدارێن داعش و فه‌وزى عه‌لى شاره‌زايێ چێكرنا بۆمبه و ته‌قه‌مه‌نيان هێشتا يێ ل ناڤ مووسل و ده‌رنه‌كه‌فتينه”.
