پێشڤه‌چوونێن پێشمه‌رگه‌ى د به‌رده‌وامن و ئه‌ڤ سێ گۆنده كونترۆل كرن
ئه‌ڤرۆ نيوز، بارزان مزوورى:
ئه‌ڤرۆ د رۆژا خوه يا حه‌فتێ يا پرۆسا رزگاركرنا مووسل دا، هێزێن پێشمه‌رگه‌ى به‌رده‌وامى دا پێشڤه‌چوونێن خوه و فه‌رمانده‌كێ پێشمه‌رگه‌ى راگه‌هاند كو هه‌تا نوكه سێ گوند هاتينه كونترۆلكرن.
موقه‌دم زياد ئيسماعيل ژ فه‌وجا ئێك ژ هێزێن پێشمه‌رگێ كوردستانێ بۆ ئه‌ڤرۆ نيوز گۆت: “ئۆپه‌راسيۆنێن پێشمه‌رگه‌ى ئه‌ڤرۆ ده‌مژمێر 7:00ى سپێدێ ده‌سپێكرن و پێشمه‌رگه هه‌تا نوكه شيايه هه‌ر ئێك ژ گۆندێ فازليه و عومه‌ر قامچى و تربزه كونترۆل بكه‌ن”.
دا زانين ژى كو به‌رى بچنه د ناڤ گۆندێ فازليه دا شه‌ره‌كێ مه‌زن د ناڤبه‌را پێشمه‌رگه‌ى و داعش دا ب چه‌كێ گران هاته كرن و ژ لايێ ئه‌سمانى ژى ڤه هێزێن پێشمه‌رگه‌ى ژ لايێ فرۆكێن هه‌ڤپه‌يمانان ڤه د هاتنه پاراستن.
