پەیوەندیێن باشتر و ژیرتر ل سالا 2017 دروست بکە
ئەڤرۆ نیوز:
سالا 2016 ب شرینی و تەعلیێن خوەڤە، ب راستی و درەوێن خوەڤە، ب خۆشی و نەخۆشیێن ڤە نێزیکە ب دوماھی بھێت، ھزر د سالا چوویی دا نەکە، سالەکا نوو ب جوانی و نووچەیێن خۆش و پەیوەندیێن جۆرا و جۆر دێ د سەر مەدا ھێت، بەلکو مووچە ژی چێبن، ھندەک تشتێن ھەین پێدڤیە ل سالا 2017 ل دووڤ بچی دا ھندەک پەیوەندیێن جۆرا و جۆر و ژیرتر و خۆشتر پێک بینی.
1- ناخێ خوە ڤالا بکە: دەلیڤێ بدە خوە و دگەل خوە دا روونە و دوور ژ فشارێن ژیانێ، سەرەرای پێدڤیا تە بۆ ھەمبێژکرنا خۆشتڤی، تە پێدڤی دەم بۆ دەمی خوە ژی ھەمبێژ بکەی، و د گەل ناخێ خوە یێ راستگۆ بە و دەیڤێ بدە خوە کا تە چ ژ خوە دڤێت. پشتی سەعەت 10 شەڤێ تەلەفۆن و کومپیۆتەرێن خوە دائێخە و ژ ھەموو دەنگان دوور بکەڤە، دەمەکی بێدەنگ بمینە.
2- بۆ ئەزمان خۆشیێ ێی قەلس نەبە: ئەزمان خۆشی گاڤا ئێکێ یە بۆ پەیوەندیێن دۆمدرێژ، پەیڤا خۆش دەم بۆ دەمی وەکو گۆلاڤێ یە بێھنا خۆش ژ مرۆڤی دئینیت.
3- درەوێن سپی: دبیت گەلەک کەس د گەل ڤێ چەندێ نینن، بەلێ دلینیێ و درەوێن سپی تێکھەل بکە، ئەو دو رێ نە ل ھمبەری تە، ژبەرکو پتریا دەمان، درەو ژ راستیێن تەعل و بریندارکرنا کەسێن دی خۆشترن.
بلا ژیانا تە ل سەر چو کەسان نەراوەستیت، بلا پەیوەندیێن تە ژی د ناڤبەرا ھەڤال و کەس و کاران دا دۆرپێ کری نەبن، بلا تە گەلەک پەیوەندی ھەبن، بەلێ بلا ل بیرا تە بیت ھەر ئێکی مافێ وی بدێ.
4- بەڤلاتیا کەسێ نەکە: گۆتنا چاڤ ب چاڤی ژبیر بکە، سیاسەتا خوە بگوھۆرە و نەڤیانێ بھێلە، بەردەوام ل کەسێن دی ببیۆرە، ژیان یا کورتە و ب بەر وێ رکمانیێ ناکەڤیت.