بوچی ئەردوگان دووبارە بویە سەرۆکێ ئاکپارتی
ئەڤرو نیوز:
نیڤرویا ئەڤرۆ ل ئەنقەرا پایتەختێ تورکیا پارتا داد و گەشەپێدانا دەستھەلاتدار “ئاکپارتی ” گونگرەیێ خوەیێ سێیێ ئەنجام دا و تێدا جارەک دن ” رەجەب تەیب ئەردوگان ” وەکو سەرۆکێ نوو ھاتیە دیارکرن ، ئەردوگانی د گوتارەکێ دا راگەیاند ب مەرەما نەھێلانا ئەوان دەرزێن کەفتینە ناڤا ئاکپارتی دا دخوازە درێژیێ ب سەروکاتیا ئاکپارتێ بدەت.
ب بەرھەڤبوونا نوونەر و قونسوولگەریێن ولاتێن جیھانی ل تورکیا و ٢٥٠ مێھڤانێن نافخوە و نێزیکێ ١٠٠ ھزار پشتەڤان و لاینگیرێن ئاکپارتی ، نیڤرویا ئەڤرۆ ل بارەگایێ خوە پارتا داد و گەشەپێدان کونگرەیێ خوەیێ سێیێ ئەنجامدا و جارەک دن رەجەب تەیب ئەردوگان وەکو سەرۆکێ نوو ھاتە دیارکرن.
ل گورەی دەستوورێ کومارا تورکیا نابیت ئەندامێن چوو پارتان وەکو سەرۆکێ تورکیا بھێتە ھەلبژاردن ژبەرڤێ ل ھەلبژاردنێن مەھا ٢٧ ئاب یا سالا ٢٠١٤ ئەردوگان بویە سەرۆکێ کومارا تورکیا ، و دەست ل ئاکپارتی بەردا و وەکو سەروک کومارێ تورکیا دەست ب کار بوو ، بەلێ پشتی کو ئەڤ ساڵە ل کومارا تورکیا دەستوور ھاتیە راستڤەکرن رێک ھاتەدان کو ئەندامێن پارتان دکارن بەرپرسیارەتیا سەروک کوماری ژی وەربگرن ، ژبەرڤێ جارەک دن ئەردوگان ڤەگەریا سەروکاتیا پارتا داد و گەشەپێدان.
دگوتارا دەستبکاربوونا خوە وەکو سەرۆکی نوو یی ئاکپارتی ئەردوگانی دیارکر کو ئەو ب مەرەما نەھێلانا ئەوان دەرزێن کەفتینە ناڤا ئاکپارتی جارەک دن دخوازە ببیتە سەرۆکێ ئاکپارتی و گۆت: (خوشحالم پشتی ڤەقەتیانەکا زۆر ل پۆستێ سەروکاتیا ئاکپارتی جارەک دن بکارم خزمەتا ھەوە بکەم)
دھێتە زانین کو ئاکپارتی ل سالا ٢٠٠١ ھاتیە دامەزراندن و ئێک ژ دامەزرێنەرێن ئەوێ پارتێ ژی ئەردوگان بوویە ، ل سالا ٢٠٠٣ ھەتا نھا وەکو پارتا دەستھەلاتدارە ل تورکیا.
