ب وێنە – گەنجەکێ ئەڤ خزمەتە بو زاخۆ ئەنجام دا
ئەڤرو نیوز ، نەوزاد زادە ھلۆری:
ب مەرەما زێدەتر خزمەتکرنا کەرتێ گەشت و گوزار ، مالا کەلتوری ل قەزا زاخۆ ھاتەڤەکرن کو لسەر شێوە و ستایلەکێ کەلتوریێ کوردی ھاتیە چێکرن.
دڤی واریدا “عادل عومەر “خودانێ مالا کەلتوری بو ئەڤرو نیوز گۆت: (ب مەرەما پێشڤەبرنا کەرتێ گەشت و گوزاری ، شڤێدی ب بەرھەڤبوونا ھژمارەکا دام و دەزگەھێن حکومی و حزبی و مێھڤانان مالا کەلتوری ل زاخۆ ھاتەڤەکرن)
زێدەتر گۆت: (مالا کەلتوری پێکدھێت ژ جھەکێ ئارام کو لسەر شێوە و دیزانیەکا کەلتوری یا کوردی ل سەردەمێن کەڤن ھاتیە چێکرن و دێ تێدا خوارن و ڤەخوارنێن گەرم و سارێن کوردەواری ھێنە پێشکێشکرن)
عادل-ی دیارکر ژی کو مالا کەلتوری جھەکێ بەرفرەھە و ھەموو کەس ژ گەنج و پیرەمێر و زارو و ئافرەت ژی دکارن سەرەدانێ بو بکەن ، کو ئەڤ یەک ژی تشتەکێ نوویە ل کوردستانێ و دێ تا رادیەکێ باش خزمەتا کەرتێ گەشت و گوزارێ ل زاخو کەت.
مالا کەلتوری دکەڤیتە تەنشت پرا دەلال ل زاخو کو جھەکێ ستراتیجی و ئارام و خوشە ب تایبەتی ل دەمێن شەڤێ
