خزمەتەکا تایبەت بۆ کچێن نەشووکری
کۆمپانیا “سیرکا تراڤلز” یا ژاپۆنی خزمەتەکا سەیر و یا ئێکانە ژ جۆرێ خوە راگەھاند، بەلکو سەیرترین کارە د جیھانا ھەڤژینیێ و شەھیانان دا، کو ئەڤ خزمەتە رێ ل بەر کچێن نەشووکری ڤەدکەت کو سەربۆرا شووکرنێ بۆ رۆژەکا تمام بێی ل گەل چو زەلامان بھێتە گرێدان ببینن.
ئەڤێ خزمەتێ گەلەک کچێن ژاپۆنی بۆ خوە ڤەکێشان ئەوێن حەز ژ کاری دکەن پتر ژ شووکرنێ و پێکئینانا خێزانێ.
کۆمپانیا ناڤبری ئەڤ خزمەتە ل باژێرێ “کیوتو” ل ھەیڤا خزیرانا بۆری دەستپێکربوو وەکو تاقیکرن، بەلێ داخوازی ژ 10 کچان بۆ ھات و شیان ب وێ خزمەتێ خەونا ل بەرکرنا کراسێ سپی یێ بووکان بکەنە بەرخوە و شەھیانەکێ ل ئۆتێلەکا پێشکەفتی بکەن.
ئەڤ خزمەتە دو رۆژێن نڤستنێ ل ئۆتێلەکا پێشکەفتی ل گەل کراسێ بووکان و جوانکاری و دانان میکیاژی و ل گەل دەستکێن گولان بخوەڤە دگریت بەری گەریانێ ل ناڤ باژێرێ بۆ گرتنا وێنێن بیرھاتنان. کێمترین بھا بۆ ڤێ خزمەتێ سێ هزار دۆلارن و بھایێن دی دمیننە ل سەر حەزێن بکڕان.